Raica sara na lewena

Na Website ni iVakadinadina i Jiova

Digia na Vosa vakaViti

Na Cava na iBalebale ni Eli? Vakacava e Vanua ni Veivakararawataki Tawamudu?

Na Cava na iBalebale ni Eli? Vakacava e Vanua ni Veivakararawataki Tawamudu?

Kena isau vakaivolatabu

E vakayagataki na vosa “eli” ena so na iVolatabu me ivakadewa ni vosa vakaIperiu na “Seoli” kei na vosa vaKirisi na “Etesi.” Na vosa ruarua qori e dusia ga na ibulubulu ni kawatamata. (Same 16:10; Cakacaka 2:​27) Me vaka e tabaki toka ena iyaloyalo ni ulutaga qo, era vakabauta e levu nira na lai kama eso ena bukawaqa mai Eli. Ia e duatani na ka e kaya na iVolatabu.

  1. Nira sega ni vakila e dua na ka o ira na mate, era sega kina ni vakila na mosi. “Ni sega na cakacaka se na vakasama se na kilaka se na vuku ena iBulubulu.”​—⁠Dauvunau 9:​10.

  2. Era na lako tale ga i eli na tamata vinaka. Erau kila o Jekope kei Jope ni rau na lako tale ga i eli.​—Vakatekivu 37:35; Jope 14:13.

  3. Na isau ni ivalavala ca na mate, sega ni veivakararawataki ena bukawaqa. “O koya sa mate sa bokoci na nona ivalavala ca.”​—⁠Roma 6:7.

  4. E sega ni salavata kei na lewadodonu ni Kalou na veivakararawataki tawamudu. (Vakarua 32:4) Gauna e valavala ca kina o Atama qai tauca na Kalou na kena itotogi, a kaya ga ni na mate: “Ni o kuvuniqele ga, o na suka mo kuvuniqele tale.” (Vakatekivu 3:​19) Sa na lasu na Kalou ke totogitaki Atama me lai kama ena bukawaqa mai eli.

  5. E sega ni bau vakasamataka na Kalou me vakararawataka tawamudu e dua. Na vakasama ni nona totogitaka na tamata na Kalou ena bukawaqa mai eli, e veisaqasaqa kei na kena tukuni ena iVolatabu ni “Kalou ga na loloma.”​—⁠ 1 Joni 4:8; Jeremaia 7:​31.