Raica sara na lewena

Na Cava ena Cakava na Matanitu ni Kalou?

Na Cava ena Cakava na Matanitu ni Kalou?

Kena iSau Vakaivolatabu

Na Matanitu ni Kalou ena sosomitaka na matanitu kece vakatamata, ena qai veiliutaki ena vuravura taucoko. (Taniela 2:44; Vakatakila 16:14) Ni sa vakayacori qori, na Matanitu ni Kalou ena. . .

  • Vakarusa na daucaka ca era vakaleqai keda tiko. Era na muduki tani e vuravura na tamata ca.—Vosa Vakaibalebale 2:22.

  • Vakaotia na ivalu kece. Ena vakaotia na Kalou na ivalu e vuravura taucoko.—Same 46:9.

  • Kauta mai na bula vakacegu kei na sautu e vuravura. “Era na bula vakacegu ena ruku ni nodra vaini kei na ruku ni nodra vunilolo, ena sega ni dua me vakarerei ira.”—Micah 4:4, Good News Translation.

  • Vukica na vuravura me parataisi. “Ena reki na vanua talasiga; ena marau na vanua dravuisiga qai seraka na senikau.”—Aisea 35:1, Contemporary English Version.

  • Vakarautaka na cakacaka yaga qai marautaki. Era na marautaka vakalevu na cakacaka ni ligadra o ira na digitaki ni Kalou. Era na sega ni oca wale.—Aisea 65:21-23.

  • Vakaotia na tauvimate. ‘Ena sega ni kaya e dua na lewenivanua: ‘Au tauvimate.’’—Aisea 33:24.

  • Vakaotia na bula vaqase. ‘Me bulabula cake na lewena mai na lewena ni se itabagone, me lesu tale ina veisiga se tu kina vua na kaukaua vakaitabagone.’—Jope 33:25.

  • Vakaturi ira na mate. Era na ‘rogoca na domo i [Jisu] o ira kece na tu ena ibulubulu nanumi, mera tucake mai.’—Joni 5:28, 29.