Raica sara na lewena

Na Website ni iVakadinadina i Jiova

Digia na Vosa vakaViti

Cava na Loma ni Kalou Vei Au?

Kena iSau Vakaivolatabu

Na loma ni Kalou oya mo kilai koya vinaka, mo nona itokani, mo lomani koya qai qaravi koya ena lomamu taucoko. (Maciu 22:37, 38; Jemesa 4:8) O na vulica mo vakayacora na loma ni Kalou ni o kila na bula kei na ivakavuvuli nei Jisu. (Joni 7:16, 17) E sega ni vakamacalataka wale ga o koya na loma ni Kalou, e bulataka sara ga. Sa rauta me kaya o Jisu ni sega ni inaki ni nona bula me ‘cakava ga na lomana, na loma i koya ga e talai koya mai.’—Joni 6:38.

E vinakati na cakamana, raivotu, se vosa mai na Kalou meu kila kina na lomana?

Sega. E tiko ena iVolatabu na itukutuku ni Kalou vei keda na kawatamata. E tiko kina na ka e vinakati vei iko mo ‘tu vakarau ni vakayacora na cakacaka vinaka kece.’ (2 Timoci 3:16, 17) E vinakata na Kalou mo vakayagataka na iVolatabu kei na nomu ‘vakasama’ mo kila kina nona inaki.—Roma 12:1, 2; Efeso 5:17.

Au na rawa ni vakayacora na loma ni Kalou?

Io e rawa, ni kaya na iVolatabu: “E sega soti ni dredre meda muria na ivakaro ni Kalou.” (1 Joni 5:3, Easy-to-Read Version) E sega ni kena ibalebale ni na rawarawa tu ga na kena muri na ivakaro ni Kalou. Ia na kena yaga o na vakila, e uasivia nomu sasaga. E kaya sara ga o Jisu: “Era marau vakalevu o ira na rogoca na vosa ni Kalou, era muria sara!”—Luke 11:28, Good News Translation.