Raica sara na lewena

Na Website ni iVakadinadina i Jiova

Digia na Vosa vakaViti

Rai ni iVolatabu me Baleta na Vakawati Vakamataqali Vata

Kena iSau Vakaivolatabu

Era sa qai bulia ga ena gauna qo na matanitu na lawa me baleta na vakawati, ia na noda Dauveibuli sa kotora makawa tu na lawa ni vakawati. E tukuni ena iVakatekivu: ‘Ena biuti tamana kina kei tinana o tagane, ena kabiti watina, erau na lewe dua ga.’ (Vakatekivu 2:24) Na vosa vakaiperiu e vakadewataki me “watina” e “vakaibalebaletaki tiko ga ina dua na yalewa” me vaka e kaya na Vine’s Expository Dictionary of Biblical Words. Qai vakadeitaka o Jisu ni rau vauci ena vakawati na “tagane kei na yalewa.”—Maciu 19:4.

Koya gona e inaki ni Kalou me baleta na vakawati me dei me rau qai veivolekati na tagane kei na yalewa. Erau buli na tagane kei na yalewa me rau dauveivukei qai veivakacegui, me rau vakatubukawa tale ga.