Raica sara na lewena

Na Website ni iVakadinadina i Jiova

Digia na Vosa vakaViti

E Donu Ke Dua e Levu na Watina?

Kena iSau Vakaivolatabu

A vakatara ena dua na gauna na Kalou me sivia na dua na watidra na tagane. (Vakatekivu 4:19; 16:1-4; 29:18-29) Ia a sega ni tauyavutaka na Kalou na ivakarau qori. A bulia e dua ga na wati Atama.

Na Kalou e solia vei Jisu Karisito na lewa me vakadeitaka tale na nona iVakatagedegede taumada, oya me dua ga na watina na tagane se yalewa. (Joni 8:28) E kaya o Jisu ena gauna a tarogi kina: “O koya e bulia na tamata mai na ivakatekivu e bulia na tagane kei na yalewa qai kaya, ‘Ena biuti tamana kina kei tinana o tagane me kabiti watina me rau sa na dua ga na yago.’”—Maciu 19:4, 5.

Ena dua na gauna e muri a uqeti vakalou e dua na tisaipeli i Jisu me vola: ‘Na tagane me tiko ga na watina yalewa, kei na yalewa me tiko ga na watina tagane.’ (1 Korinica 7:2) E tukuna tale ga na iVolatabu na tagane vakawati e lesi ena so na itavi ena ivavakoso “me dua ga na watina.”—1 Timoci 3:2, 12.