Raica sara na lewena

Raica na ikarua ni lisi

Na Website ni iVakadinadina i Jiova

vakaViti

Cava e Vakatokai Kina o Jisu me Luve ni Kalou?

Kena iSau Vakaivolatabu

E sega ni vakawati na Kalou me rawa ni vakaluveni kina. E Dauveibuli o koya, e bulia na ka bula kece. (Vakatakila 4:11) Koya gona e vakatokai o Atama, na imatai ni tamata e buli me “luve ni Kalou.” (Luke 3:38) E tukuna tale ga na iVolatabu ni buli Jisu na Kalou. Koya gona e okati tale ga o Jisu me “Luve ni Kalou.”—Joni 1:49.

A buli Jisu e liu na Kalou ni bera ni qai buli Atama. E tukuna na yapositolo o Paula me baleti Jisu: “O koya na iyaloyalo ni Kalou tawaraici, na ulumatua ni kabuli kece.” (Kolosa 1:15) Se bula tu mai lomalagi o Jisu ni bera ni qai sucu ena valenimanumanu e Peceliema. E kaya na iVolatabu ni ‘vu mai liu sara o koya, mai na gauna makawa dina.’ (Maika 5:2) Me vaka ni ulumatua ni Kalou o Jisu, a bula tu mai lomalagi ni bera ni sucu vakatamata e vuravura. E tukuna mada ga o Jisu: “Niu . .  lako sobu mai lomalagi.”—Joni 6:38; 8:23.