Raica sara na lewena

Na Website ni iVakadinadina i Jiova

Digia na Vosa vakaViti

E Donu na iVolatukutuku ni Bula i Jisu ena iVolatabu?

Kena iSau Vakaivolatabu

E tukuna na dauvola iVolatabu o Luke me baleta na ivolatukutuku ni bula i Jisu: “[Niu] vakataroga matua na veitaravi ni ka e yaco.”—Luke 1:3.

Eso era kaya ni a veisautaki ena rauta na ikava ni senitiuri na ivolatukutuku kei Jisu ena Kosipeli, na ka eratou vola na nona itokani o Maciu, Marika, Luke, kei Joni.

Ia qai kune e Ijipita ena itekitekivu ni ika20 ni senitiuri e dua na tiki ni ivolavivigi ni Kosipeli i Joni. Sa kilai ena gauna qo me Papyrus Rylands 457 (P52), qai maroroi tiko ena laibri na John Rylands mai Manchester, Igiladi. E volai tu kina na Joni 18:31-33, 37, 38.

Qori e ivolavivigi makawa duadua ni iVolatabu vaKirisi vaKarisito. Era vakabauta e levu na vuku ni a volai ena rauta na 125 G.V., qori ni oti ga e 25 se sivia na yabaki mai na kena volai na kena ilavelave taumada. Na ka e volai ena tiki ni ivolavivigi qori e sega ni duidui sara vakalevu mai na so na ilavelave qai kune tale e muri.