Raica sara na lewena

Na Website ni iVakadinadina i Jiova

Digia na Vosa vakaViti

Na Cava na iNaki ni Bula?

Kena isau vakaivolatabu

Dua tale na taro e dau tarogi me baleta na inaki ni bula oya, Cava eda tu kina eke? E tiko na inaki ni noda bula? E vakaraitaka na iVolatabu ni inaki ni noda bula meda veiwekani kei na Kalou. Dikeva mada eso na ka e tukuni ena iVolatabu.

  • E Dauveibuli na Kalou. E kaya na iVolatabu: “E buli keda o koya [na Kalou] qai taukeni keda.”​—Same 100:3; Vakatakila 4:11.

  • E vakainaki kece na ka e bulia na Kalou, okati kina o keda.​—Aisea 45:18.

  • E buli keda na Kalou meda kauaitaka na noda “bula vakayalo” wili kina noda saga meda kila na inaki ni bula. (Maciu 5:3) E vinakata meda vakila na vakacegu.​—Same 145:16.

  • Nida kauaitaka noda bula vakayalo, eda na saga meda veitokani kei na Kalou. Eso era rairai nanuma ni sega ni rawa nida veitokani kei na Kalou, ia e uqeti keda na iVolatabu: “Toro voleka vua na Kalou ena qai toro voleka mai vei kemuni o koya.”​—Jemesa 4:8; 2:23.

  • Meda veitokani kei na Kalou, e bibi meda talairawarawa ina nona inaki me baleti keda. E kaya na Dauvunau 12:13: “Mo rerevaka na Kalou, ka muria na nona vunau: ni sai koya ga oqo nai tavi taucoko ni tamata.”​—Ai Vola Tabu.

  • Ena gauna mai muri, eda na qai vakila taucoko na inaki ni Kalou ni sa vakaotia na rarawa qai solia vei ira nona itokani era qaravi koya na bula tawamudu.​—Same 37:10, 11.