Raica sara na lewena

Na Website ni iVakadinadina i Jiova

Digia na Vosa vakaViti

Era Tiko Dina na Timoni?

Era Tiko Dina na Timoni?

Kena iSau Vakaivolatabu

Io. Qo o ira na kabula vakayalo era talaidredre vua na Kalou, era ‘agilosi valavala ca.’(2 Pita 2:4) Na imatai ni agilosi e vukici koya me timoni, o Setani na Tevoro, e cavuti ena iVolatabu me “nodra iliuliu na timoni.”—Maciu 12:24, 26.

Talaidredre ena gauna i Noa

E volatukutukutaki ena iVolatabu na nodra talaidredre na agilosi ni bera na Waluvu ena gauna i Noa: “Era raica na luve ni Kalou dina na totoka ni kedra irairai na luvedra yalewa na tamata. Era taura me watidra o koya ga era digitaka.” (Vakatekivu 6:2) O ira na agilosi valavala ca qo era “biuta na nodra itikotiko dodonu” mai lomalagi ra qai lia tamata mera mai veiyacovi kei ira na yalewa.—Juta 6.

Ni yaco na Waluvu, era vukica na yagodra na agilosi talaidredre ra qai lesu i lomalagi. Sa sega ni vakadonuya na Kalou mera lewe ni nona vuvale. Na kedra itotogi mera kua tale ni lia tamata.—Efeso 6:11, 12.