Raica sara na lewena

Ena Sautu Vakacava na Vuravura?

Ena Sautu Vakacava na Vuravura?

Kena iSau Vakaivolatabu

Na matanitu ni Kalou ena kauta mai na sautu e vuravura, ena liutaka o Jisu Karisito, sega ni sasaga vakatamata. Dikeva mada na ka e tukuna na iVolatabu me baleta na inuinui totoka qo.

  1. Ena vakaotia na Kalou “na ivalu me yacova na iyalayala kei vuravura,” ena vakayacora nona yalayala me “sautu na vuravura vei ira e vakadonuya!”—Same 46:9; Luke 2:14, Good News Translation.

  2. Na Matanitu ni Kalou e tiko mai lomalagi, qai veiliutaki e vuravura taucoko. (Taniela 7:14) Ena kauta laivi na yalo ni boletaki vanua ni uqeta na veivakaduiduitaki qai vakavuna e levu na leqa.

  3. E vakatokai o Jisu Karisito na iLiuliu ni Matanitu ni Kalou me Turaga ni Sautu. Ena vakadeitaka ni na sega ni oti na sautu.Aisea 9:6, 7.

  4. Era na sega ni vakabulai o ira na vakaitovotaka tiko ga na itovo kaukaua, ni Kalou e cati ira kece era taleitaka na itovo kaukaua.—Same 11:5; Vosa Vakaibalebale 2:22.

  5. E vakavulici ira na nona tamata o Jiova mera bula veiyaloni. E vakadeitaka qori na ka e tukuna na iVolatabu: ‘Era na tukitukia na nodra iseleiwau me batinisiviyara kei na nodra moto me isele ni sasamaki. Ena sega ni lave iseleiwau e dua na matanitu ina dua na matanitu, era na sega ni vulica tale na ivalu.’—Aisea 2:3, 4.

Era sa vulica tiko na bula veiyaloni e milioni na iVakadinadina i Jiova e veiyasa i vuravura. (Maciu 5:9) E duidui na vanua keimami cavutu mai kina qai vakaitikotiko ena sivia na 230 na vanua, keimami na sega ni tauri iyaragi mera vakamatei kina na wekai keimami.

Keimami vulica tiko na iVakadinadina i Jiova nikua na veiyaloni