Raica sara na lewena

Na Website ni iVakadinadina i Jiova

Digia na Vosa vakaViti

E Bulia na Kalou na Tevoro?

E Bulia na Kalou na Tevoro?

Kena iSau Vakaivolatabu

E tukuni ena iVolatabu ni a sega ni bulia na Kalou na Tevoro . Ia, e bulia ga na agilosi e qai yaco me Tevoro. E kaya na iVolatabu me baleta na Kalou: ‘E uasivi nona cakacaka, ni dodonu na nona sala kece. E Kalou yalodina, e sega vakadua ni lewa cala, e yalododonu qai daudina o koya.’ (Vakarua 32:3-5) Ena tikinivolatabu qori eda kila kina ni o Setani a dua na luve ni Kalou uasivi qai caka dodonu ena gauna e buli kina.

E kaya o Jisu ena Joni 8:44, ni a “sega ni dei ena dina,” na Tevoro, e vakaraitaka qori ni o Setani a daudina qai yalododonu ena gauna a buli kina.

Ia vakataki ira ga na vo ni kabula vakayalo e bulia o Jiova, a soli tale ga vei Setani na galala me vakatulewataka na ka vinaka se na ka ca. Nona vakatulewataka me saqata na Kalou qai uqeti rau na imatai ni veiwatini me rau tomani koya, e sa veisautaki koya kina me Setani, kena ibalebale “Dauveivorati.”—Vakatekivu 3:1-5; Vakatakila 12:9.