Raica sara na lewena

Na Website ni iVakadinadina i Jiova

Digia na Vosa vakaViti

Kilai ni Bula Dina o Tui Tevita ena ka e Kune ena Vakekeli

Kilai ni Bula Dina o Tui Tevita ena ka e Kune ena Vakekeli

E tukuni ena iVolatabu ni a bula na Tui kei Isireli o Tevita ena ika11 ni senitiuri B.G.V., ra qai veiliutaki na nona kawa me vicavata na drau na yabaki. Ia era kaya eso ni itukuni ga, se italanoa buli na italanoa me baleti Tevita. Vakacava a bula dina o Tui Tevita?

Ena 1993 a kunea na dauvakekeli o Avraham Biran kei na nona ilawalawa, e dua na vatu mai Tel Dan, ena vualiku kei Isireli, e ceuti tu kina na matavosa “Mataqali i Tevita.” Na ka e ceuti qori e laurai ena ivolavivigi makawa vakaArame e rairai volai ena ikaciwa ni senitiuri B.G.V. De dua na vatu qori era vakaduria na kai Arame me ivakananumi ni nodra qaqa vei Isireli.

E tukuni ena dua na ulutaga ena ivola na Bible History Daily: “Eso era vakatitiqataka na kena ceuti tu ena vatu na matavosa ‘Mataqali i Tevita’. . . Ia e levu na dauvakadidike ena iVolatabu kei ira na dauvakekeli era duavata kei na vatu mai Tel Dan, e vakadinadinataki kina ni a bula dina o Tui Tevita e volatukutukutaki ena iVolatabu. E volatukutukutaki gona ena BAR [Biblical Archaeology Review], me dua vei ira na ivakadinadina kilai levu vakaivolatabu na ka e laurai qori ena vakekeli.”