Raica sara na lewena

Na Website ni iVakadinadina i Jiova

Digia na Vosa vakaViti

Vakacava Keu Temaki Meu Veiyacovi?

Vakacava Keu Temaki Meu Veiyacovi?

O na rairai nanuma, “vinaka ga meu veiyacovi nira sa cakava tiko na kena vo!”

Wawa mada qai vakasama

Kena Dina: Sega ni tamata kece era veiyacovi.

O na rairai wilika ena kena itukutuku ni dua na iwiliwili levu ni itabagone era sa veiyacovi. Kena ivakaraitaki, e laurai ena dua na vakadidike e caka mai Merika ni 2 mai na 3 na itabagone era sa veiyacovi ni oti na sekeneri. Ia kena ibalebale tale ga ni 1 mai na 3—iwiliwili levu toka—era se sega ni veiyacovi.

Vakacava o ira era sa veiyacovi? Era raica na dauvakadidike ni levu vei ira na itabagone era veiyacovi, era vakila e levu na leqa qo.

Nuiqawaqawa. Era kaya e levu na itabagone era veiyacovi nira veivutunitaka na ka era cakava.

Ni dua e veiyacovi ni bera na vakamau, e vaka ga ni o taura na droini totoka a soli vei iko qai vakayagataka me ibutubutu

Sega na veinuitaki. Nirau veiyacovi oti e rua, erau sa na tekivu lomatarotarotaka, ‘O cei tale sa veiyacovi oti kei noqu itau?’

Rarawa. Ena rairai vinakata dina o goneyalewa me taqomaki, sega ni vakayagataki ga. E levu gona na tagane era sa sega ni qai taleitaki yalewa tale ni oti na veiyacovi.

Bibi me nanumi: Na yagomu e ka vakamareqeti, kua gona ni solia vakaveitalia. Vakaraitaka ni o na muria dei na ivakaro ni Kalou mo kua ni veiyacovi ni bera na vakamau. Ke o vakawati ena dua na gauna, o rawa ni qai veiyacovi. O na qai marautaka sara vakalevu ena gauna qori, ni sega ni dua na ka o na leqataka se rarawataka, o na sega tale ga ni veilecayaki me vaka era dau vakila o ira na veiyacovi ni bera na vakamau.—Vosa Vakaibalebale 7:22, 23; 1 Korinica 7:3.