Raica sara na lewena

Na Website ni iVakadinadina i Jiova

Digia na Vosa vakaViti

Au na Cakava Vakacava na Lesoni Kece e Lesi Mai Koronivuli?

Au na Cakava Vakacava na Lesoni Kece e Lesi Mai Koronivuli?

Ka o rawa ni cakava

Digia e dua na vanua vakanomodi. Me kua ni tu kina na ka e dau veivakawelei. Rawa ni o vakayagataka na desi. Me boko na tivi ena gauna qori.

Na gauna e vaka e dua na ose totolo—ena vinakati mo dreta vinaka na kena varaele

Vakadeitaka na ka e bibi. E bibi na nomu vuli, vakadeitaka gona mo cakava eliu na lesoni e lesi mai koronivuli.

Kua na lokuyara. Me dua na nomu ituvatuva, qai saga mo dei kina.

Ka mo cakava. Raica na lesoni mo cakava eliu qai vola veitaravi ena dua na ivola. Vola tale ga na gauna mo vakayagataka ena dua na lesoni. Toqa sara ni sa oti.

Tovolea mo cegu. Ke o vakila ni sega ni malele na nomu vakasama ena lesoni o cakava tiko, cegu va lailai, oti qai tekivu tale.

Tovolea mo nuidei. Nanuma, nomu dua na gonevuli vuku se sega ena vakatau vakalevu ena nomu cakacaka vagumatua. (Vosa Vakaibalebale 10:4) E rawa ni toso vinaka nomu ka ni vuli. Mo gumatuataka ga, o na qai taura na kena icovi.