Raica sara na lewena

Na Website ni iVakadinadina i Jiova

Digia na Vosa vakaViti

E Rawa Vakacava Niu Veimaliwai Vinaka kei Noqu Qasenivuli?

E Rawa Vakacava Niu Veimaliwai Vinaka kei Noqu Qasenivuli?

Vakasamataka mada!

Vakasamataka na ivakaraitaki kei Rachel. E sega vakadua ni dau lutu ena nona veitarogi o Rachel. Ia e veisau na ituvaki ni sa kalasi kavitu. E kaya: “E saga na noqu qasenivuli meu kua ni rawata na noqu veitarogi.” Na vuna? E vakaraitaka votu vei Rachel kei Tinana ni sega ni taleitaka na nodrau lotu.

Na qasenivuli era vaka na vatu tuva e dela ni wai era na vukei iko mo takoso mai na dua na vanua ina dua tale, ia o iko o na cavuikalawa

Cava e yaco? E Tukuna o Rachel: “E dau tomani au mai o Na ena gauna kece e oti kina na veitarogi me rau veitalanoa kei qasenivuli me baleta na noqu maka. Toso na gauna sa qai oti na nona dau vakalewai au.

Ke o sotava tale tiko ga qori, vakaraitaka vei rau na nomu itubutubu, kua ni rere. Sega ni vakabekataki, rau na tu vakarau me rau veivosaki kei qasenivuli kei ira era veiliutaki e koronivuli me wali kina na leqa.

Macala ni sega ni dau tini vinaka eso na ituvaki va qo. Ia eso na gauna, ena vinakati na vosota. (Roma 12:17, 18) E kaya o Tanya: “E dua noqu qasenivuli e dau ca na nona ivakarau vei ira na gonevuli, e dau vosavakacacataki keimami qai tukuna ni keimami lialia. Au tagi sara ga ena imatai ni gauna, ia au vulica meu kua ni taura vakabibi. Au kauaitaka ga na noqu ka ni vuli, me vakaogai au ena nona kalasi. Toso na gauna sa sega ni vakalewai au, au a dua vei ira na rawata na maka levu. Ni oti ga e rua na yabaki, e vakasakei o qasenivuli.

Bibi me nanumi: Saga mo vakaraitaka na vosovoso ni yalodredre o nomu qasenivuli, o na vulica kina e dua na ka bibi—oya ni na rawarawa mo torovi ira se o vakayacora vinaka na nomu itavi vei ira na veiliutaki (1 Pita 2:18) O na vulica mo taleitaki ira na qasenivuli vinaka.