Raica sara na lewena

Na Website ni iVakadinadina i Jiova

Digia na Vosa vakaViti

RA TAROGA NA ITABAGONE

Au na Lewa Vakacava na Kequ Levu?

Au na Lewa Vakacava na Kequ Levu?

E uqeta na iVolatabu meda ‘lewai keda vinaka.’ (1 Timoci 3:2) Qo e okati kina na ivakarau ni noda kana. Vakacava mo tovolea mada na vakatutu qo?

Kila ni o sa mamau. E kaya o Tulia sa yabaki 19, “Au dau vakarautaka na levu ni kakana meu kania, niu sa mamau ga sa rauti au.”

Kua ni kania na kakana sega ni bulabula. E kaya o Pita sa yabaki 21, “Au sa sega ni gunuva na gunu kamikamica, ena loma ni dua ga na vula sa lutu na kequ bi ena lima na kilokaramu!

Veisautaka na ivakarau ni nomu kana. E kaya o Iri sa yabaki 19, “Au saga meu kua ni talo vakarua.

Kena iWali: Kua ni calata na gauna ni kana! Ke o dau calata, ena lala vakalevu na ketemu, o na kana kina vakasivia.

Era kaya o ira na levulevu, “E vinakati meu lewa na kequ levu.” Sa donu tu vei ira na kedra levu. Ia vakacava ke o via lailai? Qo na ka e cakava na goneyalewa o Katarina.

“Au a levulevu sivia niu se itabagone, na ka au sega ni vinakata. Au sega ni taleitaka na kequ irairai niu sega ni bulabula!

“Ena levu na gauna, au digitaka na ka meu kania meu lailai kina, oti ga au levu tale. Ia niu sa yabaki 15, au vakatulewataka meu veisau. Au vinakata meu lailai tu ga ena noqu bula taucoko.

“Au volia na ivola ni kakana kei na vakaukauayago, au muria sara na ka au wilika kina. Keu lesuva tale na ivakarau ni kana au sa biuta mai, se niu yalolailai, au vakadeitaka meu kua ni soro.

“Kila na cava? E yaga dina! Ena loma ni dua na yabaki, e lutu na kequ bi ena 27 na kilokaramu. E dua tu ga na kequ levu ena loma ni rua na yabaki. Au sega ni tadra me va qori!

“Au kila na vuna au va kina qori niu sega ni digia na ka meu kania, au veisautaka ga na ivakarau ni noqu bula.”​—Katarina, yabaki 18.