Raica sara na lewena

Na Website ni iVakadinadina i Jiova

Digia na Vosa vakaViti

Vakacava Keu Sega ni Veimaliwai Rawa?

Vakacava Keu Sega ni Veimaliwai Rawa?

Ka o rawa ni cakava

Kena iMatai, vakasamataka se tamata vakacava o sega ni rawa ni veimaliwai kei ira.

Yabaki:

Au sega ni rawa ni maliwai ira . . .

  • keimami tabavata

  • qase cake vei au

  • uabula

Ka Era Cakava:

Au sega ni rawa ni maliwai ira . . .

  • na dauqito

  • e tiko nodra taledi

  • na tamata vuku

iTovo:

Au sega ni rawa ni maliwai ira era . . .

  • yalodei

  • rogo

  • sa tu rawa nodra ilala

Kena iKarua, digia na tikina e tautauvata kei na ka o dau cakava ni o sotavi ira qori.

  • Au lasutaka niu taleitaka na veika era kauai kina.

  • Au vakalecalecava na veika era kauai kina qai talanoataka ga na ka au taleitaka.

  • Au galu tu ga qai qara iulubale meu biubiu totolo kina.

Kena iKatolu, mo vakaliuliu! Kua ni namaka mera dau kauaitaki iko mai liu na tamata; ena vinakati mo vakaliuliu sara ga. (Filipai 2:4) O na cakava vakacava?

Qarai ira oni sega ni tabavata. Vakasamataka mada: Cava mo tukuna kina ni sega nomu itokani ni o qarai ira ga oni tabavata? Qori e vaka ga nomu kolaiciba ena via kana ena yanuyanu dravuisiga nira tu wavoliti iko na ika ni waitui!

E kaya o Helena, e dua na goneyalewa yabaki 20: “E uqeti au o tinaqu meu veivosaki kei ira na qase cake vei au. E kaya niu na taleitaka na veimaliwai kei ira qai levu na ka me keimami veitalanoataka. E dina taucoko o koya, sa ra tu ena gauna qo na noqu itokani!

Saga mo kila na iwalewale ni veivosaki. E bibi mo (1) vakarorogo, (2) taro, qai (3) kauaitaki ira dina.—Jemesa 1:19.

E tukuna o Serena, e dua na goneyalewa yabaki 18: “Au saga meu kua ni vosa vakalevu, meu vakarorogo ga. Niu vosa, au na sega ni tukuna na veika ga e baleti au se meu talanoataki ira eso tale.

E kaya o Jared, e dua na cauravou yabaki 21: “Ke dua e tukuna vei au e dua na ka au sega ni kila, au na kerei koya me vakamacalataka, me rawa kina ni talanoa.

E kaya o Leah, e dua na goneyalewa yabaki 16: “Au gone mamadua, ia au dau saga meu veitalanoa kei ira eso. Ke o vinakata na itokani, e bibi mo dau veikauaitaki. Au sa cakava sara tiko ga qori.