Raica sara na lewena

Na Website ni iVakadinadina i Jiova

Digia na Vosa vakaViti

RA TAROGA NA ITABAGONE

Au Dau Nuitaki?

Au Dau Nuitaki?

 Dikevi iko mada!

  • Au dau . . . ena levu na gauna, ena so na gauna, se sega sara ga

    • dina

    • nuitaki

    • totolo

    • gugumatua

    • maqosa

    • veivuke

    • yalorawarawa

    • veidokai

    • veikauaitaki

  • Na itovo cava o dau kilai kina?

    Tomana tiko ga na itovo vinaka qori.​—Filipai 3:​16.

  • Na itovo cava mo cakacaka kina?

Raica mada na ka ena uqeti iko mo vakavinakataka.

 Na cava na kena ibalebale mo nuitaki?

O koya e nuitaki ena cakava vinaka na nona itavi e vale, e koronivuli, kei na vanua e tiko kina. E kila ni na tarogi kina. Ni cala ena tukutuku vakadodonu, kere veivosoti, qai saga me veisau.

Ka e kaya na iVolatabu: “Nida na dui colata ga na noda icolacola.”​—Kalatia 6:5.

 Na cava au via nuitaki kina?

O koya e nuitaki ena vakayagataka vinaka nona taledi, ena dokai, ena laurai ni sa matua, ena soli vua na galala kei na itavi.

Ka e kaya na iVolatabu: “O sa bau raica e dua e kenadau ena nona cakacaka? Ena tu o koya e matadra na tui.”​—Vosa Vakaibalebale 22:29.

O koya e nuitaki ena dau yalosavu, ena marautaka tale ga na veitokani vinaka.

Ka e kaya na iVolatabu: “Moni dau soli ka, ena qai soli vei kemuni.”​—Luke 6:​38.

O koya e nuitaki ena lomavakacegu, ena marau, qori ena vakanuideitaki koya.

Ka e kaya na iVolatabu: “Me dikeva na tamata yadua na nona cakacaka, ena qai marau ga kina vakalevu.”​—Kalatia 6:4.

 Na cava meu cakava meu nuitaki kina?

Raica na iyatuvosa e toka e ra me saumi kina na taro qori. Na iyatuvosa cava e vakamacalataka vinaka na nomu rai?

“Au sevaka niu okati meu vaka e dua na gonelailai, meu tukuna tiko vei rau na noqu itubutubu na vanua kece au lako kina!”​—Kerri.

“Dau rawarawa nodrau vakadonuya noqu itubutubu meu lako kei ratou noqu itokani.”​—Richard.

“Niu raici ira noqu itokani keimami tabavata kei na ka era rawa ni cakava, au kaya: ‘U! Cava rau sega ni vakadonuya kina noqu itubutubu meu cakava tale ga qori?’”​—Anne.

“Rau dau vakadonuya noqu itubutubu meu cakava na ka ga au via cakava. Au vakavinavinakataki rau ni rau solia vei au na galala qori.”​—Marina.

Kena dina: Ke o dau nuitaki, ena levu na galala e soli vei iko.

Kena ivakaraitaki, rogoca mada na ka erau tukuna na itabagone sa tukuni oti.

Richard: “Dua na gauna rau a leqataka noqu itubutubu na kena dau soli vei au na galala. Ia qo rau sa nuitaki au niu dau vakayagataka vinaka na galala e soli vei au. Au sega ni lasutaka na vanua au lako kina, o cei keirau lakovata. Au kaya tale ga vei rau na veika au nakita meu cakava, ni bera ni rau tarogi au.”

Marina: “Ena noqu bula taucoko au lasutaki rau vakarua noqu itubutubu, rau toboka niu lasutaki rau ena gauna ruarua qori. Me tekivu mai na gauna qori, au sa saga meu dau dina. Kena ivakaraitaki, au kaya vei rau na ka kece au na cakava, oti au dau qiriti rau. Ena gauna qo rau sa nuitaki au sara ga.”

Na cava o dau vakabibitaka, na cakacaka ni vale se ka ni veivakamarautaki?

O vinakata mo vakataki Richard kei Marina? Mo dikevi iko ena vica na tikina qo:

NOMU BULA E VALE

  • O dau vakaotia vinaka na itavi e soli vei iko?

  • O dau muria vinaka na gauna e tukuni mo tiko kina e vale?

  • O dau dokai rau nomu itubutubu kei ratou na tacimu?

Na tikina cava o nanuma mo cakacaka kina?

Ka e kaya na iVolatabu: “Ni talairawarawa vei ira nomuni itubutubu.”​—Efeso 6:1.

NOMU KA NI VULI

  • O dau vakaotia nomu lesoni ena kena gauna?

  • O saga tiko mo vakavinakataka nomu ka ni vuli?

  • O dau muria vinaka nomu ituvatuva ni vuli lesoni?

Na tikina cava o nanuma mo cakacaka kina?

Ka e kaya na iVolatabu: “E itataqomaki na vuku.” (Dauvunau 7:​12) Na vuli ena vakavukui iko.

KEMU IROGOROGO

  • O dau dina vei rau na nomu itubutubu kei na so tale?

  • O dau maninitaka na ilavo?

  • O kilai ni o dau nuitaki?

Na tikina cava o nanuma mo cakacaka kina?

Ka e kaya na iVolatabu: “Moni tokara na tamata vou.” (Efeso 4:​24) O rawa ni vakavinakataka tiko ga na nomu itovo kei na kemu irogorogo.

Vakatutu: Cakacaka ena tikina o kila ni o malumalumu kina. Vosa vua e dua e kilai ena itovo vinaka qori, qai rogoca na nona ivakasala. Vola o na vakaraitaka vakacava na itovo qori, qai raica ni toso na vula. Vola na ka o sa rawata kei na ka e vakadredretaka. Ni cava na vula, vola na ka o sa rawata.