Na iyatuvosa cava e vakamacalataka vinaka nomu rai?
Au sega sara ga ni taleitaka na kequ irairai.
Au taleitaka ena so na gauna na kequ irairai.
Au taleitaka tu ga na kequ irairai.
Na cava mada o via veisautaka e yagomu?
Balavu
Bi
Levu
Drauniulu
Roka
Levu ni masela
So tale
Vakaotia na iyatuvosa qo.
Au leqataka na yagoqu . . .
niu butu ena ivakarau.
niu titiro ena iloilo.
niu vakatauvatani au kei na so tale (itokani, dau vakaraitaki isulusulu, dau vakaraitaki ena yaloyalo).
Vakaotia na iyatuvosa qo.
Au vakarau . . .
e veisiga.
e veimacawa.
vakavudua.
Na matavosa cava e vakamacalataka vinaka nomu rai?
Rairai ca. (Kena ivakaraitaki: “Gauna kece au ilovi au kina ena iloilo, au sevaka na kequ irairai niu sa rui levulevu. Au sega ni kana ena so na gauna me lutu kina na yagoqu.”—Serena.)
Rai donu. (Kena ivakaraitaki: “Ena tiko ga na ka eda na sega ni taleitaka ena keda irairai, ia eso na ka meda sa ciqoma ga. Ena ka vakalialia toka meda lomaleqataka na ka eda sega ni veisautaka rawa.”—Natanya.)
E vakasalataki keda na iVolatabu meda kua ni nanumi keda ‘vakasivia.’ (Roma 12:3) Ia e donu me vakarauta ga noda kauaitaka na ka me baleti keda. Dua na kena ivakaraitaki, oya na vuna o barasitaka kina na batimu ni o kauaitaka mo savasava.
Na cava mo cakava ni dau vakayalolailaitaki iko na kemu irairai, o sa lai kauaitaka kina vakasivia? Ke dina qori, o na vaqaqa . . .
‘Na cava au rairai ca kina?’
E rawa ni tiko e vica na vuna. E okati kina na:
Ka e vakaraitaki ena tabana ni itukutuku. “E levu sara na iyaloyalo keimami uqeti kina na itabagone me keimami nanuma ni dodonu me totoka tu ga na keimami irairai, me keimami musudonu tale ga. Na gauna keimami sega ni rawata kina, dua na ka neimami cata!”—Kellie.
Nodrau ivakaraitaki na itubutubu. “Au raica ke dau kauaitaka vakasivia o tina na kena irairai, ena cakava tale ga qori na luvena goneyalewa. E dina tale ga qo vei ira na tama kei na luvedra tagane.”—Rita.
Yalolailai. “O ira na kauaitaka vakasivia na kedra irairai era dau namaka me tukuni nira rairaivinaka. Eda oca na tiko vata kei ira!”—Jeanne.
Se mani cava e vakavuna, o na rawa ni taroga . . .
‘Meu veisautaka na kequ irairai?’
Rogoca mada na ka era tukuna eso na nomu icaba.
“E dredre mo veisautaka na ka o sega ni taleitaka ena kemu irairai, o sa na ciqoma ga. Ke o cakava qori, ena sega ni dua e vakawa.”—Rori.
“Cakava na ka o rawata mo bulabula kina. Ena vinaka na kemu irairai ke o bulabula. Ke sega ni dua e vinakata qori (sega ni kemu irairai), e sega ni nomu itokani.”—Olivia.
Bibi me nanumi: Cakava na ka o rawata me vinaka vei iko na kemu irairai. Kua ni leqataki ira na kena vo. Rawa ni vakaleqai iko ni o kauaitaka vakasivia na kemu irairai. (Raica na ““iTalanoa nei Julia.”)
E vulica o Erin, e dua na goneyalewa yabaki 22, ke vinaka nomu rai ena donu nomu rai me baleti iko. E kaya, “Dau tiko na ka au lomaleqataka, ia au vakila ni ca na lomaqu niu kauaitaka na ka e sega ni dodonu meu kauaitaka. Ia qo au dau vakaukauayago vakawasoma, au kania na kakana bulabula. Na kena vo sa qai veisau ga.”
Qo na ka mo veisautaka!
Ni donu nomu rai me baleta na kemu irairai, o na lomavakacegu. E yaga na iVolatabu, ni uqeti iko mo bucina qo:
Lomavakacegu. “E vinaka cake me sa mamau na yaloda ena ka ga sa tu vei keda mai na noda gadreva tale eso na ka, ni sega na kena yaga, sa vaka ga na via vesu cagi.”—Dauvunau 6:9, Contemporary English Version.
Vakaukauayago. “Ni yaga vakalailai ga na vakaukaua yago.”—1 Timoci 4:8.
Lomamu. “Ni raica ga na tamata na ka e sau, ia o Jiova e raica na loma ni tamata.”—1 Samuela 16:7.
“Ena tukuni keda na irairai ni matada. Ke dua e dau lomavakacegu, era na kila qori na tamata era na taleitaki koya.”—Sarah.
“Dau kauaitaki vakalevu na matavinaka. Ia ena sega ni guilecavi na ivakarau ni lomamu kei na nomu itovo vinaka.”—Phylicia.
