Raica sara na lewena

Na Website ni iVakadinadina i Jiova

Digia na Vosa vakaViti

E Vakailavotaki Vakacava Nodra Cakacaka na iVakadinadina i Jiova?

E Vakailavotaki Vakacava Nodra Cakacaka na iVakadinadina i Jiova?

E vakailavotaki na neimami cakacaka vakavunau ena neimami cau na iVakadinadina i Jiova. E sega ni caka na kumuni ilavo ena neimami soqoni, keimami sega tale ga ni solia na ikatini. (Maciu 10:7, 8) E vakarautaki ga na kato ni cau ena neimami vale ni soqoni. Ke dua e via cau, me biuta ena kato qori na ka e via solia, ia sega ni dua tale ena kila na levu ni ka o solia.

Dua na vuna e rawarawa kina na neimami qarava na veika vakailavo oya nira sega ni saumi o ira na neimami iliuliu ni lotu. Kuria qori ni keimami sega ni saumi me keimami vunau e veivale, qai rawarawa tale ga na itaratara ni neimami vanua ni sokalou.

Na cau kece e vakau ina valenivolavola ni tabana ni iVakadinadina i Jiova e vakayagataki me vukei ira na vakaleqai ena leqa tubukoso, me tokoni ira na neimami daukaulotu kei ira na ivakatawa era dau sikova na veivavakoso. E vakayagataki tale ga na ilavo qori me tara kina na vanua ni sokalou ena matanitu e se vakatorocaketaki tiko, kei na kena tabaki qai vakau na iVolatabu kei na ivola vakaivolatabu tale eso.

E vakatau vua na tamata yadua ke via cau ena saumi ni so na ka ena nona vanua, me cau ina cakacaka e vuravura raraba, se cau ruarua kina. E vakarautaki ena ivavakoso kece na itukutuku vakailavo mera kila tiko na lewena.