Raica sara na lewena

Na Website ni iVakadinadina i Jiova

Digia na Vosa vakaViti

Na Cava na Vuli iVolatabu?

Na Cava na Vuli iVolatabu?

Era veisureti na iVakadinadina i Jiova ena vuli iVolatabu e saumi kina na taro me vaka:

  • O cei na Kalou?

  • E kauaitaki au na Kalou?

  • Na cava meu cakava me vinaka kina noqu vakawati?

  • Au na kunea vakacava na marau?

E vakamacalataki qo eso na taro dau tarogi wasoma me baleta na vuli iVolatabu.

E caka vakacava na vuli iVolatabu? Keimami raica na ulutaga me vaka na “Kalou” se “vakamau” qai dikeva na tikinivolatabu e baleta na ulutaga qori. Ni vakatauvatani na veitikinivolatabu, keimami raica rawa kina na ka e tukuna na iVolatabu me baleta na ulutaga. Sala qori keimami laiva kina me vakamacalataki koya ga na iVolatabu.

Keimami vakayagataka na ivola Na Cava Sara Mada e Kaya na iVolatabu? me vukea neimami vulica na iVolatabu. E vakamacalataka vakamatata na ivola qo na ka dina e tukuna na iVolatabu me baleta na Kalou, Jisu, kei na veika e se bera ni yaco.

E vica na isau ni vuli iVolatabu? Na vuli e sega ni saumi, e sega tale ga ni saumi na ivola e vulici.

E vakacava na balavu ni vuli? Eso era vakayagataka e dua na aua ena veimacawa mera vulica kina kei keimami na iVolatabu. Ia e rawa ni veiveisau na balavu ni vuli. E tuvanaki ga me veiganiti kei na gauna oni galala kina.

Vakacava keu sa vinakata meu vulica na iVolatabu? Ke o via vuli iVolatabu, ena sikovi iko yani e dua na iVakadinadina i Jiova ena gauna kei na vanua e veiganiti. Ena vakamacalataki ena vica ga na miniti na iwalewale ni vuli. Ke o taleitaka, e rawa ni tomani na vuli.

Keu vulica na iVolatabu, sa kena ibalebale ya niu sa na dua na iVakadinadina i Jiova? Sega. Keimami taleitaka na iVakadinadina i Jiova me keimami vakavulici kemuni ena iVolatabu, ia keimami sega ga ni veivakasaurarataki moni lewe ni neimami lotu. Keimami vakamacalataka ena veidokai na ka e tukuna na iVolatabu ni keimami kila ni vakatau vua na tamata yadua na ka e vakabauta.—1 Pita 3:15.