Raica sara na lewena

Na Website ni iVakadinadina i Jiova

Digia na Vosa vakaViti

Vuna Era Veisautaka Kina na iVakadinadina i Jiova Eso na ka Era Vakabauta

Vuna Era Veisautaka Kina na iVakadinadina i Jiova Eso na ka Era Vakabauta

Na ka keimami vakabauta e yavutaki kece ena iVolatabu. E dau veisautaki gona eso na ka keimami vakabauta me salavata kei na veiveisau e caka me vakamatatataki kina neimami kilaka vakaivolatabu. *

Qori e salavata kei na ivakavuvuli vakaivolatabu ena Vosa Vakaibalebale 4:​18: “Na nodra sala na yalododonu e vaka na rarama ni matanisiga e serau cake tiko na kena rarama me yacova na sigalevu.” Ni cadra na siga, sa qai dau laurai mai vakamalua na veika era tu wavoliti keda. Ni vakatakila tale ga na Kalou na ibalebale ni ka dina, e dau cakava vakalalai qai cakava ena kena gauna donu. (1 Pita 1:​10-​12) Me vaka e parofisaitaka na iVolatabu, sa vakatotolotaka o Jiova na kena kilai na ibalebale ni ka dina ena “gauna ni icavacava.”​—Taniela 12:4.

Ni veisau na noda kilaka vakaivolatabu, e sega ni dodonu meda kurabui se lomaleqa. O ira mada ga na tamata ni Kalou ena gauna vakaivolatabu e cala nodra rai kei na ka era namaka, qai vinakati mera veisautaka nodra ivakarau ni rai.

A qai vakadodonutaka nodra rai na Kalou, eda nuitaka tale ga ni na cakava tiko ga qori vei keda na Kalou.​—Jemesa 1:5.

^ para. 2 Keimami sega ni dau vunia na veiveisau e caka ena neimami kilaka vakaivolatabu. Keimami dau vola qai tabaka. Kena ivakaraitaki, raica na iwasewase “Beliefs Clarified” ena neimami idusidusi ni ivola vakaivolatabu ena internet.