Raica sara na lewena

Na Website ni iVakadinadina i Jiova

Digia na Vosa vakaViti

Na Cava na iLawalawa Dauvakatulewa ni iVakadinadina i Jiova?

Na Cava na iLawalawa Dauvakatulewa ni iVakadinadina i Jiova?

Qo na ilawalawa lailai e lewena e vica na lotu vaKarisito matua, e dusimaki ira na iVakadinadina i Jiova e vuravura taucoko. E rua na ka e vauci ena nodratou itavi:

  • Era raica na kena vakarautaki na ulutaga vakaivolatabu me vulici ena neimami ivola, soqoni, kei na koronivuli ni iVakadinadina i Jiova.​—Luke 12:42.

  • Era raica na neimami cakacaka na iVakadinadina i Jiova e veiyasa i vuravura me vaka na cakacaka vakavunau, kei na vakayagataki ni cau.

E muria na iLawalawa Dauvakatulewa na ka vata ga eratou cakava ‘na yapositolo kei ira na qase mai Jerusalemi’ ena imatai ni senitiuri, era vakatulewataka na veika bibi e vauca na ivavakoso kece vaKarisito. (Cakacaka 15:2) Me vakataki ira na tagane yalodina qori, o ratou na lewe ni iLawalawa Dauvakatulewa eratou rai ena iVolatabu me dusimaki ratou, eratou kila tale ga ni Kalou o Jiova e lesi Jisu Karisito me Ulu ni ivavakoso.​—1 Korinica 11:3; Efeso 5:​23.

O cei e lewe ni iLawalawa Dauvakatulewa?

Qo o ratou na lewe ni iLawalawa Dauvakatulewa me tekivu ena Janueri 2018, o Kenneth Cook, Jr., Samuel Herd, Geoffrey Jackson, Stephen Lett, Gerrit Lösch, Anthony Morris III, Mark Sanderson, kei David Splane. Eratou veiqaravi tiko ena neimami itikotiko liu mai Warwick, Niu Yoka e Merika.

E tuvanaki vakacava na iLawalawa Dauvakatulewa?

E tauyavutaka na ilawalawa qo e ono na komiti me raica na dui itavi keimami qarava, eratou veiqaravi tale ga ena dua se rua na komiti.

  • Komiti ni Kodineita: Qarava na veika vakalawa, veidusimaki ena gauna ni leqa tubukoso, veivakacacani, kei na so tale na ka e vinakati vakatotolo me baleti keimami na iVakadinadina i Jiova.

  • Komiti ni Lewe i Peceli: Qarava na ka me baleti ira na lewenivuvale e Peceli, qo o ira na veiqaravi tiko ena neimami valenivolavola.

  • Komiti ni Tabaivola: Raica na tabaki kei na vakau ni ivola vakaivolatabu, tara ni vale ni soqoni, valenivolavola ni tabana kei na vakadewa.

  • Komiti ni Cakacaka: Raica na cakacaka ni kena ‘vunautaki na itukutuku vinaka ni Matanitu ni Kalou.’​—Maciu 24:14.

  • Komiti ni Veivakavulici: Raica na kena vakarautaki na ulutaga vakaivolatabu me vulici ena soqoni kei na koronivuli, e vakarautaka tale ga na katokatoni kei na vidio.

  • Komiti ni Volavola: Raica na ulutaga vakaivolatabu me tabaki, biu ena neimami website, e raica tale ga na cakacaka ni vakadewa.

Eratou dau bose tale ga ena veimacawa na lewe ni iLawalawa Dauvakatulewa me ratou veivosakitaka na ka e vinakati ena isoqosoqo. Ratou dau veivosakitaka na ka e tukuni ena iVolatabu, ratou yalorawarawa tale ga me dusimaki ratou na yalo tabu ni Kalou me ratou duavata ena vakatulewa e vakayacori.​—Cakacaka 15:25.

O cei e dau vukei ratou na iLawalawa Dauvakatulewa?

O ira na lotu vaKarisito nuitaki era veivuke ena ono na komiti sa cavuti oti. (1 Korinica 4:2) E tu vei ira na kila mera qarava na itavi ena dui komiti era lesi kina, era dau tiko tale ga ena kena bose e veimacawa. Era sega ni vakatulewa ia era vakarautaka na ivakasala kei na itukutuku yaga, era raica me vakayacori na ka e vakatulewataka na komiti, kei na ka sa rawati. Rawa tale ga ni lesi ira na iLawalawa Dauvakatulewa mera sikovi ira na iVakadinadina i Jiova ena so tale na yasa i vuravura, se ra vakaitavi ena soqo me vaka na bose vakayabaki se tuvaitutu e Kiliati.

IRA NA DAUVEIVUKE

Komiti

Yacadra

Komiti ni Kodineita

  • Ekrann, John

 

Komiti ni Lewe i Peceli

  • Grizzle, Gerald

  • LaFranca, Patrick

  • Molchan, Daniel

  • Walls, Ralph

 

Komiti ni Tabaivola

  • Adams, Don

  • Butler, Robert

  • Corkern, Harold

  • Glockentin, Gajus

  • Gordon, Donald

  • Luccioni, Robert

  • Reinmueller, Alex

  • Sinclair, David

 

Komiti ni Cakacaka

  • Breaux, Gary

  • Dellinger, Joel

  • Hyatt, Seth

  • Mavor, Christopher

  • Perla, Baltasar, Jr.

  • Turner, William, Jr.

  • Weaver, Leon, Jr.

 

Komiti ni Veivakavulici

  • Curzan, Ronald

  • Flodin, Kenneth

  • Malenfant, William

  • Noumair, Mark

  • Schafer, David

 

Komiti ni Volavola

  • Ciranko, Robert

  • Mantz, James

  • Marais, Izak

  • Myers, Leonard

  • Smalley, Gene

  • van Selm, Hermanus