Raica sara na lewena

Na Website ni iVakadinadina i Jiova

Digia na Vosa vakaViti

Era Qaravi Tamata na iVakadinadina i Jiova?

Era Qaravi Tamata na iVakadinadina i Jiova?

Sega, keimami sega ni qaravi tamata na iVakadinadina i Jiova. Keimami lotu vaKarisito. Keimami dau saga vagumatua me keimami muria na ivakaraitaki i Jisu Karisito kei na nona ivakavuvuli.

Na cava na qaravi tamata (cult)?

E duidui tu na ibalebale ni vosa qori vei ira e levu. Ia dikeva mada e rua na vakasama me baleta na qaravi tamata, kei na vuna keimami sega ni okati kina me qaravi tamata.

  • Eso era nanuma ni qaravi tamata (cult), e lotu vou se lotu duatani. Keimami sega ni tauyavutaka na lotu vou na iVakadinadina i Jiova. Keimami muria ga na nodra ivakaraitaki na lotu vaKarisito ena imatai ni senitiuri era volatukutukutaki ena iVolatabu. (2 Timoci 3:16, 17) Keimami vakabauta ni iVolatabu e dodonu me lewa na ivakarau ni noda sokalou.

  • Eso era nanuma ni qaravi tamata (cult), e isoqosoqo lotu rerevaki. Keimami sega ni qaravi tamata na iVakadinadina i Jiova. Ia, keimami muria na ivakaraitaki e biuta o Jisu vei ratou na nona imuri, ni kaya: “Ni dua ga nomuni iliuliu, o Karisito.”Maciu 23:10.

E yaga vei keimami kei ira na lewenivanua na ivakavuvuli keimami muria. Kena ivakaraitaki, na neimami cakacaka vakaitalatala sa vukea e levu mera valuta na veika era dau bobula kina, me vaka na vakayagataki vakasivia ni wainimate gaga kei na alakaolo. Kena kuri, keimami veivakavulici tale ga ena wilivola kei na volavola e veiyasa i vuravura. Keimami veivuke tale ga ena leqa tubukoso. Keimami saga vagumatua me donu tiko ga na neimami rai, me vaka ga e vakaroti ira kina nona imuri o Jisu.Maciu 5:13-16.