Raica sara na lewena

Na Website ni iVakadinadina i Jiova

Digia na Vosa vakaViti

Cava Oni Sega ni Vakaitavi Kina ena iValu na iVakadinadina i Jiova?

Cava Oni Sega ni Vakaitavi Kina ena iValu na iVakadinadina i Jiova?

Keimami sega ni dau vakaitavi ena ivalu ni keimami:

  1. Talairawarawa vua na Kalou. Na iVolatabu e tukuna nira ‘na tukitukia na nodra iseleiwau me batinisiviyara’ qai ‘sega ni vulica tale na ivalu,’ na nona tamata.—Aisea 2:4.

  2. Talairawarawa vei Jisu. A kaya vei Pita o Jisu: ‘Daramaka na nomu iseleiwau ina kena taga, nira na mate ena iseleiwau o ira era vakayagataka na iseleiwau.’ (Maciu 26:52) E vakaraitaka vakamatata i keri o Jisu nira na sega ni taura na iyaragi ni veivaluvaluti na nona imuri.

    Era talairawarawa na imuri i Jisu ena nona veivakaroti mera “sega ni vakavuravura” ena nodra sega ni vakaitavi ena veika vakapolitiki. (Joni 17:16) Era na sega ni vakaitavi ena vakaduduile vei ira na mataivalu se tarovi ira na via curu ena mataivalu.

  3. Lomani ira na tani. E vakaroti ira nona tisaipeli o Jisu mera “veilomani.” (Joni 13:34, 35) Koya gona era na lewena e dua na mataveitacini e vuravura raraba qai sega ni dua ena via valuti tacina.—1 Joni 3:10-12.

  4. Nodra ivakaraitaki na lotu vaKarisito taumada. E tukuni ena Encyclopedia of Religion and War: “Era cata na ivalu qai sega ni curu ina mataivalu na imuri taumada i Jisu,” era kila ni qori e “veicalati kei na loloma e vakavuvulitaka o Jisu kei na ivakaro mera lomana na kedra meca.” Qori tale ga na ka e tukuna na daunicioloji mai Jamani o Peter Meinhold me baleti ira na imuri taumada i Jisu: “Na lotu vaKarisito ena sega ni rawa ni sotia.”

Keimami dau vukei ira na lewenivanua

E yaga raraba na neimami cakacaka na iVakadinadina i Jiova, keimami sega tale ga ni ilawalawa rerevaki. Ia keimami dokai ira na veiliutaki, ni salasalavata qori kei na ka e vakarota na iVolatabu:

  • ‘Mera talairawarawa na tamata kece vei ira na veiliutaki.’—Roma 13:1.

  • ‘Ni solia vei Sisa na ka e nei Sisa, vua na Kalou na ka e nona na Kalou.’—Maciu 22:21.

Keimami talairawarawa gona ina lawa, saumi ivakacavacava, qai tokona na sasaga ni matanitu ena kena vakavinakataki na ka ni bula vei keda kece.