Raica sara na lewena

Na Website ni iVakadinadina i Jiova

Digia na Vosa vakaViti

Era Raica na Dauniveivakavulici ena Yatu Filipaini na Yaga ni JW.ORG

Era Raica na Dauniveivakavulici ena Yatu Filipaini na Yaga ni JW.ORG

Ena 2016 e ka dokai vei ira na iVakadinadina i Jiova mera vakaraitaka vei ira na dauniveivakavulici ena yasana o Zamboanga del Norte, ena Yatu Filipaini na yaga ni vidio kei na ulutaga ena jw.org. Era gole e liu na iVakadinadina i Jiova ena Tabana ni Vuli ena koroturaga o Dipolog. Dua na ka nodra marautaka na jw.org na vakailesilesi, era kerei ira kina na iVakadinadina i Jiova mera vakamacalataka na kena idusidusi me 30 na miniti ena tolu na vuli e caka me baleti ira na qasenivuli ena vica na siti kei na tauni e Zamboanga del Norte.

Cava era vakamacalataka?

Era vakamacalataka na iVakadinadina i Jiova eso ga na vidio digitaki kei na ulutaga ena website vei ira na 300 na qasenivuli era tiko ena vuli. Era taleitaka vakalevu na ulutaga, “Ka mo Cakava ni Tiko na Nomu Dinau.” Era kaya e levu na qasenivuli ni na vukei ira na gonevuli vaka kina o ira. Era yadua kece na tikidua, Eda na Raica e Vei na iSaunitaro Bibi me Baleta na Bula? E vakamacalataki kina e levu na ivakasala yaga ena jw.org. Sega ni bera nodra download eso na qasenivuli na vidio mai na website.

E vuavuaivinaka sara na tolu na vakamacala qori, e mani tuvanaka na Tabana ni Vuli me vakamacalataki tale ga vei ira na 600 na daunivakasala kei na so tale na dauniveivakavulici. Io, e levu era marautaka dina qori.

“E yaga dina na website”

Eso vei ira na tiko kina era kaya ni vukei ira sara vakalevu na ivakamacala ena website. E kaya e dua na qasenivuli: “Dua na ka noqu vakavinavinaka. E yaga sara ga ena noqu vakavulici ira na gonevuli.” E kaya e dua tale na qasenivuli: “Levu na ka au vulica meu cakava vakabibi na gauna au lomabibi kina. E yaga dina na website qo vei ira na itabagone kei ira na qase.”

E sivia na 350 na qasenivuli era tiko ena kena vakamacalataki na jw.org era vinakata eso tale na itukutuku. Era mani vakarautaka na iVakadinadina i Jiova eso na ivola, era vakamacalataka tale ga eso na ivakasala yaga ena iVolatabu vei ira kece na taleitaka.

Era marau na iVakadinadina i Jiova ni sivia na 1,000 na qasenivuli era tiko ena kena vakamacalataki na jw.org e Zamboanga del Norte. Era vulica talega na kena yaga ena nodra veivakavulici. Ena yaga sara vakalevu vei ira na qasenivuli e veiyasa i vuravura na ivukevuke yaga ni veivakavulici qo me baleta na ivakavuvuli dodonu, itovo savasava kei na idusidusi vakayalo. *

^ para. 9 E nuitaki na tabana ni vuli ena Yatu Filipaini me vakavulici ira na gonevuli, me “uqeti ira tale ga mera cakava na ka e dodonu kei na itovo vakayalo me savasava kina nodra ivalavala me vinaka tale ga.”​—Yavu ni Vakavulewa ena Yatu Filipaini ena 1987 (The 1987 Constitution of the Republic of the Philippines, Article XIV, Section 3.2.)