Raica sara na lewena

iKarua ni iWasewase ni iTaba ena Valenivolavola ni Tabana ena Yatu Filipaini (June 2015 ina June 2016)

iKarua ni iWasewase ni iTaba ena Valenivolavola ni Tabana ena Yatu Filipaini (June 2015 ina June 2016)

Era cakava na iVakadinadina i Jiova ena Yatu Filipaini e levu na veiveisau ena valenivolavola ni tabana ena siti o Quezon. Raica ena iwasewase ni itaba qo na toso ni cakacaka, kei na nodra veitokoni na bolecakacaka mai na June 2015 ina June 2016. Oti ga e vica na vula, sa rawa ni vakayagataki, e vakatabui tale ga ena Feperueri 2017.

iRairai ni vale e tara se vakavinakataki e okati kina na:

  • iYatuvale 4 (iTikotiko)

  • iYatuvale 5 (Tabana ni Katokatoni, Tabana ni Cakacaka)

  • iYatuvale 6 (Sasamaki e Tuba kei na Teitei, Ripeataki ni Motoka, kei na Welding)

  • iYatu vale 7 (Tabana ni Kompiuta, Tabana ni Tarataravaki, Vakavinakataki ni iYaya, Tabana e Qarava na Veikauyaki ni iVola, kei na Tabana ni Vakadewa)

June 15, 2015—Valenivolavola ena siti o Quezon

Vakarautaka tiko na timi ni caka simede na gaunisala me semata na tolonisala ena iYatuvale 1, 5, kei na 7.

June 15, 2015—iYatuvale 5

Era vakadikeva toka na matai na droini e vakarautaka na Tabana ni Tarataravaki ena Dua na Wase kei Vuravura e Esia kei na Pasifika. Ena Maji 2016, e tokitaki na tabana qori mai Ositerelia ina valenivolavola ni tabana ena Yatu Filipaini.

June 23, 2015—Valenivolavola ena siti o Quezon

Vakayagataki e dua na misini levu me voroka na gaunisala simede me keli kina na qara. Ena vakadavori kina e dua na mataqali paipo e maroroya na wai batabata, me veivuke ena vakayagataki ni misini ni cagi batabata (air-condition).

Julai 20, 2015—Valenivolavola ena siti o Quezon

Cakacaka tiko e dua na veiwatini mai Merika me semati na kaukamea ni itautauri ena vanua me taubaletaki.

Julai 20, 2015—Valenivolavola ena siti o Quezon

Bulu tiko na paipo ni wai batabata ena iYatuvale 4 kei na 5.

Seviteba 18, 2015—iYatuvale 5

Vakayagataka toka na matai qo e dua na mataqali misini ena vatavata simede ni katubaleka.

Seviteba 18, 2015—iYatuvale 5

E tuvana tiko e dua na yalewa na iukuuku ni fuloa (tiles). E biu tale ga ena iYatuvale 5, ni na vakayagataka tiko na Tabana ni Katokatoni kei na Vidio, ena vinakati kina me vakanomodi.

Okotova 22, 2015—iYatuvale 5

Era vakayagataka tiko na dauboroboro e dua na mataqali iboro mera boroya kina na lalaga ni valenivolavola. Na iboro qori ena maroroya na katakata ni siga, me vukea na batabata ni loma ni vale, me vakabula ilavo tale ga.

Feperueri 10, 2016—iYatuvale 4

Sa biu laivi tiko qori na kau a taura toka na simede ni bai. E tabarua na iYatuvale 4, mera vakaitikotiko kina na gonevuli era mai vuli ena koronivuli vakalou.

Feperueri 10, 2016—iYatuvale 4

E vakacobara tiko na paipo ni wai batabata e dua vei ira na dau raica me veirauti na katakata kei na batabata ni lomanivale, kei na curu ni cagi e lomanivale. Na cagi qori ena vakavinakataka na cakacaka ni wai batabata, ena vakalailaitaka tale ga na katakata.

Feperueri 16, 2016—iYatuvale 4

E cakacaka tiko e dua na daunilivaliva mai Ositerelia ena vanua e ciciva na wa ni livaliva, me taqomaka na kama. E sivia e 100 vakacaca na kenadau ena taravale era gole mai na so tale na vanua, era sureti mera veitokoni ena cakacaka qo ena Yatu Filipaini.