Raica sara na lewena

Na Website ni iVakadinadina i Jiova

Digia na Vosa vakaViti

Tikinipepa ena Ruku ni Misini ni Savasava

Tikinipepa ena Ruku ni Misini ni Savasava

A vakaitikotiko o Zarina e Rusia, oti nona papitaiso me iVakadinadina i Jiova e lesu ina nona vanua ena Loma kei Esia. E vinakata me tuberi rau na luvena yalewa ena nona vakabauta. Ia e sega ni rawa ni cakava qori ni ratou tiko vata kei nona itubutubu, ganena kei watina ena vale lailai e dua ga na kena rumu, ena vuku ni leqa vakailavo. Rau vakaroti koya nona itubutubu me kua ni vakavulica vei rau na luvena na ka dina ena iVolatabu. Rau kaya tale ga vei rau na gone me rau kua ni veivosakitaka kei tinadrau na ka me baleta na iVolatabu.

E vakasamataka vakatitobu o Zarina na sala me vukei rau kina na goneyalewa me rau kilai Jiova. (Vosa Vakaibalebale 1:8) E masuti Jiova vagumatua, e kerea tale ga na vuku kei na nona veidusimaki. E mani cakava o Zarina na ka e masulaka. Ratou na taubale vakaveitinani, qai dau tukuna vei rau na vakatubuqoroqoro ni ibulibuli. Qori e vukei rau na gone me rau kila na Dauveibuli.

E mani nanuma o tinadrau e dua tale na sala me vakavulici rau kina, oya me vakayagataka na ivola Na Cava Mada e Kaya na iVolatabu? * E dau vola ena tikinipepa na parakaravu kei na taro mai na ivola. E kuria tale ga eso na ivakamacala me rawa ni rau kila vinaka na ulutaga. Sa qai dau vunitaka na tikinipepa kei na penikau ena ruku ni misini ni savasava e toka e valenisili. Ni rau toka na goneyalewa ena rumu, rau na wilika na parakaravu qai vola nodrau isaunitaro.

Na iwalewale qori e rawa kina vei Zarina me vakavulici rau na luvena ena rua na wase ni ivola Kaya na iVolatabu, ni bera ni ratou toki ina dua tale na vanua. Qo sa sega ni dua e tarova nona vakavulici rau na luvena. Ena Okotova 2016, rau papitaiso na goneyalewa, rau marautaka nona lewa matau o tinadrau kei na nona vuku me vakani rau kina vakayalo.

^ para. 4 Levu nikua era sa vakayagataka tiko na ivola Na Cava Mada e Kaya na iVolatabu?