Raica sara na lewena

Na Website ni iVakadinadina i Jiova

Digia na Vosa vakaViti

IKA7 NI ME, 2018
RUSIA

Sega ni Vakadonuya na Saint Petersburg City Court na Nodra Kisi ni Veilewai na iVakadinadina i Jiova

Sega ni Vakadonuya na Saint Petersburg City Court na Nodra Kisi ni Veilewai na iVakadinadina i Jiova

Ena ika3 ni Me,  2018, a sega ni vakadonuya na Saint Petersburg City Court nodra kerekere na iVakadinadina i Jiova, me kua ni taura vakaukaua na matanitu na nodra valenivolavola e Solnechnoye. E sega ni veisau na lewa qori, sa na rawa gona ni vesuka na matanitu na nodra valenivolavola.

Na lewa e tau qo e tokona na lewa e tauca na Sestroretskiy District Court. E kaya ni sa tawayaga na konitaraki e sainitaki ena 17 na yabaki sa oti e soli kina e dua na tikiniqele e Solnechnoye, ina Watch Tower Bible and Tract Society of Pennsylvania. Ni sa tawayaga gona na konitaraki qori, sa rawa vua na mataveilewai me kaya ni taukena na tikiniqele e tiko kina na Valenivolavola na iVakadinadina i Jiova e Rusia. E rawa gona ni taura na matanitu na tikiniqele kei na valenivolavola qori, ni sa vakatabuya na Mataveilewai Cecere na nodra cakacaka na iVakadinadina i Jiova ena Epereli 2017. E caka vakailawaki na nodra ile na veibeitaki, rawa kina ni taura vakatawadodonu na matanitu na tikiniqele kei na valenivolavola.

E kaya o Philip Brumley, e dua na loya ni iVakadinadina i Jiova: “E sega ni dodonu na lewa e tau qo. E yalataki vua na Kalou na tikiniqele kei na valenivolavola qo, e vakayagataki tale ga me cicivaki kina nodra cakacaka na iVakadinadina i Jiova e Rusia. Kena ibalebale, sa butakoca na matanitu na ka era taukena. Keitou sa na kauta cake na veika tawadodonu qo ina Mataveilewai me baleta na nodra dodonu na lewenivanua e Urope.” (European Court of Human Rights)