Raica sara na lewena

Na Website ni iVakadinadina i Jiova

Digia na Vosa vakaViti

12 NOVEBA, 2018
YATU FILIPAINI

Vakacaca ena Yatu Filipaini na Cagilaba o Yutu

Vakacaca ena Yatu Filipaini na Cagilaba o Yutu

Ena ika24 ni Okotova, e ravuta na veiyanuyanu e Northern Mariana na cagilaba o Yutu. Ia ena siga Tusiti na ika30 ni Okotova, e ravuravu tale ga na cagilaba qori ena yanuyanu levu duadua ena Yatu Filipaini o Luzon. Na bisa ni uca e lai vakavuna na waluvu, kei na sisi ni qele. Era tokitaki e udolu vakacaca na lewenivanua, ratou mate tale ga e le 11.

E ripotetaka na valenivolavola ni tabana ena Yatu Filipaini ni sega ni dua na tacida e vakaleqai. Ia e vakacacani e 73 na nodra vale na tacida, okati kina e 6 na Vale ni Soqoni. Sa raica tiko na valenivolavola ni tabana ena Yatu Filipaini na cakacaka ni vakacoko.

Meda nanumi ira mada ga na tacida ena Yatu Filipaini ena noda masu, ni sa ika18 ni cagilaba mera donuya ena yabaki qo. Me vakataki ira ga, eda nuitaki Jiova ni na tokoni keda.—Same 55:22.