Raica sara na lewena

Na Website ni iVakadinadina i Jiova

Digia na Vosa vakaViti

6 JUNE, 2019
VENEZUELA

iTukutuku Butakatakata e Venezuela: Toso Tiko ga na Cakacaka Vakayalo ni Sotavi na iTuvaki Dredre

iTukutuku Butakatakata e Venezuela: Toso Tiko ga na Cakacaka Vakayalo ni Sotavi na iTuvaki Dredre

E se vakilai tiko ga na leqa vakailavo e Venezuela, e lailai qai saulevu na wai, kakana, waiwai kei na wainimate. Na boko ni livaliva e vakaleqai kina na katoniwaililiwa qai dredre me maroroi kina na kakana. Dua tale ga na ka na levu ni basulawa.

Ia era gumatua tiko ga na le 136,500 na tacida e Venezuela ena cakacaka vakavunau. Kena ivakaraitaki, ena Janueri 2019, e lailai mai na 7,000 na iwiliwili ni dautukutuku ni vakatauvatani ina veiyabaki sa sivi, era vakayagataka e rauta ni sivia na 90,000 na aua ena cakacaka vakaitalatala. Ena Epereli 2019, e tauyavutaki e sivia na le 195,600 na vuli iVolatabu. E tubu na iwiliwili ni painia tudei ina sivia na 30,000. Ena gauna ni iVakananumi ni mate i Karisito, e tubu na iwiliwili ni painia veivuke ena 20,400. Era tiko rawa kina ena iVakananumi e voleka na le 471,000 na lewenivanua, e rauta ni vakatolutaki na iwiliwili ni dautukutuku. Kuria ya, dua na ka na veitokoni ena soqoni, nira sasaga vagumatua na tacida mera wasea na itukutuku ena iVolatabu ena nodra cumuwaqara voli na lewenivanua me wali na nodra leqa.

Dua na ka na veitokoni ni valenivolavola ni tabana e Venezuela ena nodra vukei na tacida ena kena vakarautaki na kakana. Era veivuke tale ga e veivula na valenivolavola ni tabana voleka kei na cau e veiyasa i vuravura, e veisoliyaki rawa kina e drau vakacaca na tani na kakana e cautaki vei ira na le 75,000 na dautukutuku ena 1,595 na ivavakoso.

Era sotava na tacida e Venezuela e levu na ituvaki dredre, ia e veivakayaloqaqataki nira ‘rekitaki Jiova, ra qai marautaka na Kalou ni nodra ivakabula.’—Apakuki 3:17, 18.