Raica sara na lewena

Na Website ni iVakadinadina i Jiova

Digia na Vosa vakaViti

26 FEPERUERI, 2018
IROGO MAI VEIYASA I VURAVURA

Vakacaca ena Sauca Pasifika na Cagilaba o Gita

Vakacaca ena Sauca Pasifika na Cagilaba o Gita

E tubu cake na kaukaua ni cagilaba o Gita mai na ivakatagedegede 2 ina 4. E vakacaca e Samoa vaka kina e American Samoa ena ika10 kei na ika11 ni Feperueri, 2018, dewa sara yani i Toga ena ika12 ni Feperueri, qai vakavuna me waluvu qai vakacacani e levu na vanua.

E sega ni dua na tacida e mavoa bibi se mate kina. Ia e vica vata na vale era vakacacani. E veivuke gona na Tabana ni Vakacoko me vakarautaka na iyaya me vaka na kakana kei na tavuleni vei ira na vakacacani nodra itikotiko.

E tini na vale e vakacacani e SAMOA.

E tolu na vale e luvu e AMERICAN SAMOA. Era veivakaicilitaki na mataveitacini e kea vei ira na vakacacani nodra vale.

E ono na vale e vakacacani e TOGA. E vakayagataki na Vale ni Soqoni mera vakarurugi kina na tacida e vakacacani nodra vale.

E marautaki ni sega ni dua na tacida e mavoa bibi ena cagilaba qori, era veivuke tale ga na mataveitacini mera vakarautaka na ka era vinakata o ira na tacida e vakacacani nodra itikotiko. E vakavotui ena nodra veivuke qori na loloma e tukuna o Jisu ni na laurai vei ira na nona imuri.—Joni 13:34, 35.

Gusunivosa:

Veiyasa i vuravura: David A. Semonian, Valenivolavola ni iTukutuku, +1-845-524-3000

American Samoa: Panapa Lui, +1-684-770-0064

Samoa: Sio Taua, +685-20629

Toga: Palu Kanongata’a, +676-25736