Raica sara na lewena

Na Website ni iVakadinadina i Jiova

Digia na Vosa vakaViti

Ravuravu na cagilaba e Beira, e Mozambique

27 MAJI, 2019
IROGO MAI VEIYASA I VURAVURA

Ravuravu ena Cevaicake kei Aferika na Cagilaba o Idai

Ravuravu ena Cevaicake kei Aferika na Cagilaba o Idai

Ena Lotulevu na ika14 ni Maji, 2019, a ravuravu na cagilaba o Idai e Mozambique, e vakacaca tale ga e Malawi kei Zimbabwe. Se qai vakadua me yaco qo ena Ceva ni noda vuravura, e vakacacana na gaunisala, vale, ra vakaleqai tale ga e sivia e 2.6  na milioni na lewenivanua. E vakadeitaki nira sa mate e sivia na le 200. E ka ni rarawa ni ratou mate e rua na tacida yalewa kei na rua na gone rau dautukutuku bera ni papitaiso e Mozambique. E mate tale ga e dua na tacida gonetagane e yabaki 14, ni vakacacani vakadua nodratou vale ena sisi ni qele e Zimbabawe.

Vakacacana na cagilaba o Idai na Vale ni Soqoni e Inhamízua, e Mozambique

E ripotetaka na valenivolavola ni tabana e Mozambique ni vakacacani e levu nodra vale na tacida kei na Vale ni Soqoni. E vakadeitaka na valenivolavola ni tabana e Zimbabwe, ni vakacacani e 15 nodra vale na tacida kei na 2 na Vale ni Soqoni. E vakadeitaka na valenivolavola ni tabana e Malawi, ni vakacacani vakadua e 764 nodra vale na tacida, qai vakacacani tale ga e 201 na vale. E vakacacani tale ga eso na Vale ni Soqoni. E tauyavutaki e rua na Komiti ni Vakacoko e Mozambique, qai tauyavutaki e va e Malawi.

Tabea toka na tolo ni kau levu nodrau vale e rua na tacida e Malawi ni sa kasura na kena lalaga.

Eda rarawataka nodratou takali na tacida qori. Eda nanumi ira tale ga na tacida era vakaleqai ena leqa tubukoso, nira na nuitaki Jiova tiko ga me vakacegui ira.—Roma 15:13.