Raica sara na lewena

Na Website ni iVakadinadina i Jiova

Digia na Vosa vakaViti

Mataveilewai Cecere e Uzbekistan, mai Tashkent.

8 NOVEBA, 2018
UZBEKISTAN

Vakadonuya na Mataveilewai Cecere e Uzbekistan Nodra iVola Vakaivolatabu na iVakadinadina i Jiova

Vakadonuya na Mataveilewai Cecere e Uzbekistan Nodra iVola Vakaivolatabu na iVakadinadina i Jiova

Me tekivu mai na Maji 2018, ni oti e ono na vula, e soli na galala ni sokalou vei ira na iVakadinadina i Jiova. E vakatulewataka qori na Mataveilewai Cecere e Uzbekistan, kei na mataveilewai e dau tuvanaka na lawa na Administrative Court of Karakalpakstan, mai na dua na ripabuliki e Uzbekistan. E sega ni tokona na Mataveilewai Cecere e va na vakatulewa a vakadonui ena mataveilewai e ra mera saqati kina na tacida, ia e qai sega ni vakadonuya na Administrative Court na ikalima ni vakatulewa.

O Timur Satdanov, e dua vei ira na tacida tagane, e vakatulewataka na Mataveilewai Cecere e Uzbekistan, mai Tashkent me bokoci na ka e beitaki kina.

E vica vata na vakatulewa qori era veivaqaqai sara ga kina na ovisa, oti ra taura vakaukaua noda ivola vakaivolatabu, kei na iyaya vakalivaliva e rawa ni wiliki kina na iVolatabu. Era beitaki kina na tacida nira cala, tau na kedra itotogi ena yavu ni lawa e tukuni kina me vakatabui na veisoliyaki ni ivola vakalotu. Eda vakavinavinaka ni vica na vakatulewa qori e bokoci kina na cala era beitaki kina na tacida, ra sega tale ga ni sauma na ilavo era totogitaki kina.

Eda marautaka na iVakadinadina i Jiova e vuravura raraba na vakatulewa qori, eda vakavinavinakataki ira tale ga na vakailesilesi. Ia e bibi sara nona vakavinavinakataki o Jiova ena nona veidusimaki kei na veitokoni, ni “taqomaki na itukutuku vinaka qai tauyavutaki vakalawa.”—Filipai 1:7.