Raica sara na lewena

5 JULAI, 2019
TAIWAN

Sevutaki na New World Translation ena Vosa vakaJaina

Sevutaki na New World Translation ena Vosa vakaJaina

Ena ika5 ni Julai , 2019, e sevutaki na New World Translation of the Holy Scriptures ena vosa vakaJaina ena soqo ni veiwasewase ena siti o Taoyuan, e Taiwan. A vakayacori na soqo ena raraniqito na National Taiwan Sport University Stadium, qai solia kina o Brother Kenneth Cook, e dua na lewe ni iLawalawa Dauvakatulewa na ivunau ni kena sevutaki na iVolatabu qori. E rauta nira le 12,610 era tiko kina, okati tale ga o ira na sema kina ena va tale na vanua ni soqo.

Ena 1995, e tabaki e rua na itabataba ni New World Translation of the Christian Greek Scriptures ena vosa vakaJaina. Dua e vakadewataki ena volavola e vakayagataki vakalevu e Hong Kong kei Taiwan, dua tale ena volavola e kilai rawarawa ga e Jaina, Malesia kei Sigapoa. Ena 2001, e sevutaki e rua tale na vakadewa taucoko ni New World Translation, dua ena vosa vakaJaina (traditional), dua tale ena vosa vakaJaina e vakarawarawataki. Ena 2004, e tabaki na ikatolu ni itabataba qai vakayagataki kina na vosa rawarawa vakaJaina, rawa tale ga ni vakavotuya na matuavosa vakaRoma ni vakayagataki e dua na kena iwalewale e vakatokai na Pinyin.

Sa sevutaki tale ga ena tolu na itabataba na New World Translation. Na kena vakadewa e vakayagataki vakalevu e Jaina, kei na vosa kilai rawarawa ga, e rawa ni laurai ena kena e tabaki se na iyaya vakalivaliva. Ia na kena e vakayagataki kina na Pinyin e tiko ena Watchtower ONLINE LIBRARY.

E vakayagataki vakalevu e vuravura raraba na vosa vakaJaina (Mandarin), e sivia na le 1.1 na bilioni era vosataka. E sivia vei ira qori era kila tale ga na vosa vakaJaina tale eso. Era sa rawa ni vakayagataka na tacida era cakacaka tiko ena yalava vakaitamera qori na New World Translation mera vakavulici kina e levu tale mera kilai Jiova, vakatitobutaka tale ga nodra kila nona Vosa.—1 Timoci 2:4.