Raica sara na lewena

Na Website ni iVakadinadina i Jiova

Digia na Vosa vakaViti

Qo eso vei ira na le 65 na tacida era sereki mai valeniveivesu ni oti nona vakatulewataka na Mataveilewai Cecere e Sauca Korea ni sega ni cala nodra tawaveitovaki.

7 MAJI, 2019
SAUCA KOREA

Sereki Kece na iVakadinadina i Jiova Era Tawaveitovaki e Sauca Korea

Sereki Kece na iVakadinadina i Jiova Era Tawaveitovaki e Sauca Korea

Ena ika28 ni Feperueri, 2019, e sereki kina na iotioti ni iVakadinadina i Jiova e vesu tu e Sauca Korea ni tawaveitovaki ena veika e vauca na ivalu. Dua na ka nodra vakavinavinaka na tacida kece era sereki qo nira sa qai vakila na galala e soli qo vei ira mera vakadinadinataka kina nodra yalodina vua na Kalou o Jiova.

Era sereki e 65 taucoko na tacida me tekivu mai na gauna e vakarogoi kina na vakatulewa vakairogorogo qo ena Mataveilewai Cecere ena Noveba 1, 2018. E qai vakatulewataki kina ni sega ni cala nodra tawaveitovaki na tacida mera kua ni vakaitavi ena mataivalu. Na vakatulewa qo e tinia tale ga e dua na lawa sa 65 na yabaki na kena muri tiko mai, oya nodra bala e valeniveivesu o ira na tawaveitovaki.

Na nodra vakabauta kei na yalodina na tacida e Korea qori e uqeti keda meda ‘yaloqaqa tiko ga’ ena noda veiqaravi ena yalodina vua na noda Tui kei na nona Matanitu. (Filipai 1:14) Ia eda na masulaki ira tiko ga na tacida era curu tiko e valeniveivesu mai Eritrea, Rusia, Singapore, kei Turkmenistan.—Iperiu 10:34.