Raica sara na lewena

20 SEVITEBA, 2019
SAUCA KOREA

Seoul, e Sauca Korea—2019 “E Sega Vakadua ni Seavu na Loloma”! Soqo ni Veimatanitu

Seoul, e Sauca Korea—2019 “E Sega Vakadua ni Seavu na Loloma”! Soqo ni Veimatanitu
  • Tikinisiga: 13-15 Seviteba, 2019

  • Vanua: KINTEX (Korea International Exhibition Center) e Seoul, e Sauca Korea

  • Vosa e Vakayagataki: Vosa vakaMandarin, vakaValagi, vakaIdonisia, vaKorea, vakaRusia,vakaVietnam

  • iWiliwili: 60,082

  • Papitaiso: 478

  • Vulagi: 6,076

  • Valenivolavola ni Tabana Era Sureti: Brazil, Czech-Slovak, Finiladi, Varanise, Kirisi, Idonisia, Kazakhstan, Malesia, Scandinavia, Merika, Vietnam

  • iVakaraitaki e Yaco Dina: E kaya o Choi Ji-woong e manidia ni kabani e vakarautaka na kakana vei ira na vulagi: “E kaya e dua na dauveiqaravi eke, ni raica sara ga nodra veikauaitaki dina na iVakadinadina i Jiova ena soqo qo. Oni se qai sota vakadua, ia au qoroya na ivakaraitaki ni nomuni loloma na vulagi, kei ira na iVakadinadina i Jiova e Korea. E vaka ga oni sa veikilai dede tu. Au dau vakaitavi vakalevu ena ka ni lotu, ia e duatani sara na kena oni cakava qo na iVakadinadina i Jiova.”

    O Ahn Seon-ju, e dua na manidia ena Eutteum Tour Agency, e kaya: “Niu raica nodra veikauaitaki kei na nodra matadredredre na iVakadinadina i Jiova, au kila na itovo qori ena vinakati vei ira neitou draiva ni basi. Taumada, au vaqaqa na vuna e va kina qori nodra itovo. Ia niu cakacaka vata kei ira, au qai liaca ni uqeti ira ga na loloma dina, veidokai, ra bulataka tale ga na ka era vakavulica. Au kurabuitaka nira sega ni saumi ena ka era cakava. Au vakasamataka sara ga na sala meu vakatotomuria kina nodra ivakaraitaki, nira dau veirogocitaka na ka, ra qai dau matadredredre tu ga. Ke rawa, au sa tu vakarau meu cakacaka vata tale kei ira ena dua na gauna mai muri.”

    O Kim Gyo-Shik, e dairekita ni MBC Munhwa Broadcasting Station Dae-jang-geum. E kaya: “E veiuqeti dina na soqo era cakava na iVakadinadina i Jiova. Au lotu Katolika, ia na soqo qo e vakaraitaka na ka dodonu mera cakava na lotu vaKarisito. Keimami kece na cakacaka eke, keimami raica sara ga nodra veitokoni kei na nodra tuvatuvanaki vakamatau na iVakadinadina i Jiova. Era kauaitaki ira dina eso tale, era kerea mada ga vei keimami na iyaya lalai sara mera vakayagataka. Au qoroya dina nodra ivakaraitaki, e vaka ga au dua na iVakadinadina i Jiova.”

 

Veikidavaki na mataveitacini vei ira na vulagi e raraniwaqavuka

Vunau e matanalevu o ira na vulagi, kei ira na tacida

Veikidavaki tiko o ira na tacida yalewa vei ira na vulagi ena vanua ni soqo

Veitaba tiko e dua na tacida vulagi vei rau na veitinani

Dua na iwiliwili levu era vakarorogo toka ena porokaramu ena Vakarauwai

Vosa vagalu e dua na tacida tagane ni taroga tiko na taro ni papitaiso

Vakarorogo toka e tolu na tacida yalewa, ratou vakavola tale ga eso na ka ratou rogoca ena ivunau

iOtioti ni vunau nei Brother Stephen Lett ena Vakarauwai

iRairai ni tobu ni papitaiso ena yakavi ni Vakarauwai

Era yaloyalo na dauveiqaravi lavotaki vakatabakidua vei ira na vakarorogo ena iotioti ni siga ni soqo

Eso na tacida era tokara tu nodra isulu ni vanua

Sarava na vulagi ena Peceli e Korea na itaba me baleti ira na mataveitacini era yalodina tu vei Jiova ena gauna dredre

Eso na vulagi kei ira na tacida ena dua na vanua ni sarasara

Meketaka tiko eso na tacida yalewa na meke vaKorea e vakatokai na buchaechum vei ira na vulagi