Raica sara na lewena

Na Website ni iVakadinadina i Jiova

Digia na Vosa vakaViti

20 TISEBA, 2018
RUSIA

iOtioti ni Nona Veilewai o Arkadya Akopyan

iOtioti ni Nona Veilewai o Arkadya Akopyan

E yabaki 70 o Brother Arkadya Akopyan, e dauculacula, ia sa vakacegu ena nona cakacaka. E tiko ena Ripabuliki o Rusia ena vanua o Kabardino-Balkaria. Ena ika21 ni Tiseba, 2018 sa iotioti tiko ni gauna me rairai kina ena mataveilewai. E veilewaitaki tiko ena loma ni dua na yabaki ena Prohladniy District Court, ena nona saga me vakadodonutaka na ka e beitaki kina. E beitaki ni veisoliyaka tiko na ivola e “vakavuna na tiko yavavala,” kei na nona ‘uqeta na veicati vakamatalotu’ ni vunau tiko ena Vale ni Soqoni.

E sega ni vakamatatataki ni na vakatauca na lewa o turaganilewa ena ika21 ni Tiseba. Ia ke dina na ka e beitaki kina, ena dua na itotogi vinaka ena tau vua oya me va na yabaki e valeniveivesu.

O Akopyan e dua ga vei ira na le 100 tale na iVakadinadina i Jiova e Rusia era beitaki tiko nira cala ena vuku ga ni nodra vakabauta. Meda masulaki ira na tacida qori mera yalodina tiko ga, me nodra tale ga na vakacegu e solia duadua ga na Kalou.—Efeso 6:11-14, 23.