Raica sara na lewena

Na Website ni iVakadinadina i Jiova

Digia na Vosa vakaViti

22 OKOSITA, 2018
RUSIA

Sere Mai Valeniveivesu, Vakaroti me Ratou Kua ni Biuta Nodratou Vale

Sere Mai Valeniveivesu, Vakaroti me Ratou Kua ni Biuta Nodratou Vale

Se qai vakaroti ga e rua na tacida kei na nodrau loya me ratou kua ni biuta na nodratou vale. iTaba mai na imawi ina imatau: loya o Vitaly Svintsov, Vladimir Kochnev, Aleksandr Suvorov, kei Egiazar Chernikov.

Ena ika3 ni Okosita 2018, e vakatulewataka o Turaganilewa o Inna Yangubayeva ena Mataveilewai ni Yasana o Leninsky mai Orenburg, e Rusia, me rau kua ni biuta nodrau vale na tacida tagane o Vladimir Kochnev kei Aleksandr Suvorov. Qo ni oti toka ga nodrau vesu tu e valeniveivesu me 78 na siga. Ena siga tiko ga qori e vakatulewataki kina ena Mataveilewai lailai e Magadan, me kua tale ga ni biuta nona vale na tacida tagane o Konstantin Petrov, a vesu tu me 64 na siga. Eda marau ni ratou sa sere mai valeniveivesu na tacida qori, ia ratou se wawa veilewai tiko. Ke laurai ni ratou cala ratou rawa ni bala e valeniveivesu me tini na yabaki.

Ena ika16 ni Okosita sa le ciwa taucoko na iVakadinadina i Jiova ratou vakatabui me ratou biuta nodratou vale, qai 25 era sa bala e valeniveivesu e Rusia. E 30 tale na mataveitacini e tukuni mera sainitaka e dua na ivola mera kua ni biuta na nodra vale, vakavo ke ra sa vakadonuya na veiliutaki tiko ena vanua qori. Keimami masulaki ira na tacida era sotava tiko na ituvaki dredre e Rusia.—2 Korinica 1:11.