Raica sara na lewena

Luvu e dua na Vale ni Soqoni (imawi) kei na dua nona vale na tacida (imatau)

10 JUNE, 2019
PARAGUAY

Waluvu e Paraguay

Waluvu e Paraguay

Ena icavacava ni Epereli 2019, dua na ka na bisa ni uca e vakavuna na luvu ni veivanua e volekata na uciwai e Paraguay, ratou mate tale ga e le ono na lewenivanua.

E ripotetaka na valenivolavola ni tabana e Paraguay, nira vakaleqai e 137 na tacida ena vica na siti. Ena siti o Asunción, e vakacacani na lalaga ni Vale ni Soqoni, dau caka tale ga e keri na Koronivuli ni iTalatala ni Matanitu. E vinaka ga ni sega ni dua e mavoa.

Sa vakarautaka na valenivolavola ni tabana na kakana, wai kei na so tale na ka mera bula kina na vakaleqai. Se bera ni oti na waluvu, ia e yadrava sara toka vakavoleka na valenivolavola ni tabana na ituvaki, e tu vakarau tale ga me vakarautaka vei ira na tacida na veika vakayago kei na ka vakayalo.

Meda nanumi ira tiko ga ena masu na tacida era vakaleqai ena waluvu qori. Eda nuidei ni o Jiova ena ‘taqomaki [ira] vinaka’ ena ituvaki dredre qori.—Same 31:2.