Raica sara na lewena

Na Website ni iVakadinadina i Jiova

Digia na Vosa vakaViti

2 NOVEBA, 2018
MICRONESIA

Vakacaca na Cagilaba Kaukaua o Yutu ena Veiyanuyanu e Northern Mariana

Vakacaca na Cagilaba Kaukaua o Yutu ena Veiyanuyanu e Northern Mariana

Ena ika24 ni Okotova, 2018 e vakacaca na cagilaba kaukaua o Yutu ena veiyanuyanu e Northern Mariana. E vakacacani vakalevu na yanuyanu levu o Saipan, kei Tinian. Na tataba ni cagi e rauta ni 280 na kilomita ena dua na aua, e vakacacana na veivale qai boko nodra livaliva e vica vata na udolu na lewenivanua.

E ripotetaka na valenivolavola ni tabana e Micronesia e qarava na cakacaka ena vanua qori, ni sega ni dua na tacida e mate se mavoa. Ia e vakacacani vakadua e 15 nodra vale na tacida, e vakacacani tale ga e 40 na vale. E vakacacani ga vakalailai na vale ni daukaulotu e Saipan, kei na Vale ni Soqoni e tiko e Saipan kei Tinian.

Sa tuvanaka na Komiti ni Vakacoko na iyaya me vakarautaki vei ira na vakaleqai. Era sa veivuke tale ga na tacida ena vanua qori vei ira na dautukutuku era tokitaki. Ena sikova tiko na vanua e vakacacani e dua na lewe ni Komiti ni Tabana me vakayaloqaqataki ira vakayalo.

Meda nanumi ira mada ga na tacida ena masu nira vosota tiko na leqa tubukoso. Eda lomavakacegu nida kila ni “voleka o Jiova vei ira kece na kacivi koya,” e ‘rogoca tale ga nodra tagi ni kere veivuke.’—Same 145:18, 19.