Raica sara na lewena

Na Website ni iVakadinadina i Jiova

Digia na Vosa vakaViti

NOVEBA 6, 2017
MERIKA

Na Kama mai Kalifonia

Na Kama mai Kalifonia

Sa qai via malumu na kama e Kalifonia, e vakarautaka kina na Komiti ni Valenivolavola ni Tabana e Merika e dua na itukutuku me baleti ira na tacida era vakaleqai ena kama qori.

E sega ni dua e mate, ia ratou mavoa ga e le walu na tacida, ra qai vagalalataki mai na nodra itikotiko e sivia ni 1,400 na tacida. E tukuni ni ra le 29 na tacida e vakarusai vakadua nodra vale. Era tu vakarau na vo ni tacida ena so tale na ivavakoso voleka kei na tabacakacaka mera vukei ira na tacida era vagalalataki mai na nodra itikotiko. E levu vei ira era sa suka tale ina nodra dui vale.

Era gole yani na mata mai na valenivolavola ni tabana mera lai raici ira na ivakatawa dauveilakoyaki, Komiti ni Vakacoko, kei ira na bolecakacaka ena gauna e kaukaua sara tu ga kina na kama. Era sikovi ira na tacida e vakarusai vakadua na nodra vale, ra veivakayaloqaqataki tale ga. Na levu ni vanua e vakacacani e kovuta e rua na tabacakacaka, mani vakarautaki e rua na soqoni lavotaki mera vakacegui kina ena iVolatabu o ira na vakaleqai, ra vukei tale ga.

Eda nuidei ni na tokoni ira tiko ga na tacida o Jiova qai vakacegui ira se mani ituvaki dredre cava era sotava.—2 Korinica 1:3, 4.

Gusunivosa:

David A. Semonian, Valenivolavola ni iTukutuku, +1-845-524-3000