Raica sara na lewena

Na Website ni iVakadinadina i Jiova

Digia na Vosa vakaViti

JANUERI 25, 2018
MADAGASCAR

Vakacaca na Cagilaba o Ava Mai Madagascar

Vakacaca na Cagilaba o Ava Mai Madagascar

E vakacaca na cagilaba o Ava e Madagascar ena ika5 ni Janueri, 2018. Era kaya na vakailesilesi nira mate e le 51 na lewenivanua, ra qai veituyaki e udolu vakacaca.

E raica na valenivolavola ni tabana e Madagascar ni sega ni dua vei ira na tacida e mate ena cagilaba. Ia e 45 na nodra vale na tacida e vakacacani se vakarusai vakadua, okati kina e 6 na Vale ni Soqoni. E levu vei ira na tacida ena vanua qori era dau teitei me rawa nira bula kina, ia e vakacacani vakadua ena cagilaba o Ava na nodra itei. A tauyavutaki e dua na Komiti ni Vakacoko me qaravi ira na dautukutuku era vakaleqai, e vakarautaka tale ga na kakana, isulu, kei na vanua mera vakarurugi kina. Erau lesi e rua na tacida mai na valenivolavola ni tabana me rau gole ena vanua e yaco kina na cagilaba. A caka e dua na soqoni lavotaki mera vakayaloqaqataki kina na tacida kei na nodra dui vuvale.

Dua na ka nodratou veitokoni na iLawalawa Dauvakatulewa ena cakacaka ni vakacoko. E ratou raica tale ga mera qaravi vinaka na tacida ni oti na cagilaba, ni vakayagataki na ilavo e dau cautaki me baleta na nodra cakacaka na iVakadinadina e veiyasa i vuravura. Meda nanumi ira mada ga na tacida mai Madagascar ena noda masu vei Jiova me taqomaki ira tiko ga ena gauna dredre era sotava tiko qo.—Same 9:9, 10

Gusunivosa:

Veiyasa i vuravura: David A. Semonian, Valenivolavola ni iTukutuku, +1-845-524-3000

Madagascar: Rinera Rakotomalala, +261-33-37-012-91