Raica sara na lewena

Na Website ni iVakadinadina i Jiova

Digia na Vosa vakaViti

Caka na vakacaca ena otela o Dusit e Nairobi, e Kenya.

25 JANUERI, 2019
KENYA

Vakacaca na Otela e Kenya

Vakacaca na Otela e Kenya

Ena ika15 ni  Janueri, 2019, era mate e rauta ni le 21 ena vakacaca e caka ena dua na otela e Nairobi, e Kenya.

Na vakacaca e caka qori e rauta ni vitu na kilomita na kena yawa mai na valenivolavola ni tabana e Kenya. E ripotetaka na valenivolavola ni tabana ni sega ni dua na tacida e mate se mavoa. E sivia na le tini na tacida era cakacaka ena itikotiko e Dusit. Ia e le vitu ratou sega ni cakacaka ena siga qori, ra qai tokitaki kece na kena vo. E maliwai ira tiko e dua na tacida tagane, kei na dua na tacida yalewa. Rau vuni tu me 12 na aua ena gauna ni vakacaca.

Era sa veivakayaloqaqataki tiko vakayalo na qase ni vavakoso kei ira na ivakatawa ni tabacakacaka vei ira na tacida era vakaleqai. Meda masuti Jiova ni na vakacegui ira tiko ga ena gauna dredre qori.—2 Korinica 1:3,4.