Raica sara na lewena

Na Website ni iVakadinadina i Jiova

Digia na Vosa vakaViti

Mataveilewai Cecere Kenada ni bera toka na kena rogoci na kisi ena ika2 ni Noveba, 2017.

30 OKOSITA, 2018
KENADA

Sega ni Via Siova na iTuvatuva ni Veivakasivoi na Mataveilewai Cecere e Kenada

Sega ni Via Siova na iTuvatuva ni Veivakasivoi na Mataveilewai Cecere e Kenada

Me baleta na kisi ni veilewai na Highwood Congregation of Jehovah’s Witnesses (Judicial Committee) v. Wall, e vakatulewataka kina na Mataveilewai Cecere e Kenada ena ika31 ni Me, 2018, ni sa “soli vei ira na veimatalotu na dodonu mera digia na lewe ni nodra lotu kei na lawa mera muria.” E vakaraitaka gona na mataveilewai ni sega ni dodonu me siova na ituvatuva ni veivakasivoi.

Mataveilewai Cecere e Kenada (imawi) e Ottawa.

E dikeva na Mataveilewai ni ituvatuva ni nodra vaqaqa na cala bibi na iVakadinadina i Jiova e “sega ni tonotonomata, ia me vukei koya ga e cala bibi me lewe tale ni iVavakoso.” E kaya kina ni na sega ni rawa ni vakatulewa na mataveilewai ena ka e sega ni dodonu me kila oya na veika vakalotu.

E vakamacala na Turaganilewa ni Mataveilewai Cecere o Malcolm Rowe ena vukudratou e ciwa na turaganilewa ena vakatulewa qori. E kaya: “Na ituvatuva kei na lawa ena veimatalotu e rawa ni okati kina na vakadewataki ni ivakavuvuli vakalotu me vaka na kisi qo. E sega na dodonu se na kila ina mataveilewai me vakatulewa ena tikina qo.”

E kaya na daunivakasala ni iVakadinadina i Jiova o Philip Brumley: “E duavata ena vakatulewa qo na Mataveilewai Cecere e Kenada kei na mataveilewai cecere e Argentina, Brazil, Hungary, Ailadi, Itali, Peru, Poladi, kei Merika. Era kila ni noda dodonu vakalawa na kena muri na ivakavuvuli vakaivolatabu me qai rawa kina vua e dua me iVakadinadina i Jiova.”—1 Korinica 5:11; 2 Joni 9-11.