Raica sara na lewena

Na Website ni iVakadinadina i Jiova

Digia na Vosa vakaViti

Sogota toka na lori ni ovisa na veitosoyaki ena wavu e luvu e Sainte-Marie-de-Beauce, e Quebec

17 ME, 2019
KENADA

Waluvu e Kenada

Waluvu e Kenada

E vica vata na udolu na lewenivanua ena yasana e New Brunswick, Ontario, kei Quebec era sa tokitaki ena vuku ni waluvu. Ena yasana e Quebec era tokitaki e rauta na le 9,000 na lewenivanua.

E ripotetaka na valenivolavola ni tabana e Kenada, ni rauta e 44 nodra vale na tacida e Quebec e vakacacani. E sega ni dua na ka e vakacacani e New Brunswick kei Ontario, ia se luvu tiko ga eso na vanua.

Era sa veivakacegui tiko vakayalo na ivakatawa dauveilakoyaki kei ira na qase ni vavakoso vei ira na dautukutuku. Kuria ya, e dua tale ga na mata mai na tabana e sikovi ira yani na tacida ena vanua e vakaleqai vakalevu mera vakayaloqaqataki vakayalo. Ena yasana o Beauce, era sa samaka laivi na bolecakacaka na soso ena 20 nodra vale na tacida. E tauyavutaki kina e dua na Komiti ni Vakacoko e Sainte-Marthe-sur-le-Lac me vukei ira e vakacacani nodra vale.

Meda masulaki ira na tacida era vakaleqai nira na nuitaki Jiova, me ‘vakaukauataki ira qai vakayaloqaqataki ira tiko ga.’—Lako Yani 15:2.