Raica sara na lewena

Na Website ni iVakadinadina i Jiova

Digia na Vosa vakaViti

10 OKOTOVA, 2018
JAPANI

Ravuravu e Japani na Cagilaba o Trami

Ravuravu e Japani na Cagilaba o Trami

Ena yakavi ni Sigatabu, na ika30 ni Seviteba, 2018 e ravuta na sauca kei Japani na cagilaba kaukaua o Trami. Dua na ka na laba ni cagi kei na bisa ni uca. Ia e lutu na kena kaukaua ni sa toso ina noca, lai yaco sara e Tokyo ena Moniti na imatai ni siga ni Okotova. Eratou mate kina e le tolu, e rauta ni le 200 era mavoa, e sivia tale ga e 1.3 na milioni na vale e boko na nodra livaliva.

Era vakaraitaka mai na ivakatawa ni tabacakacaka ni vakacacani vakalevu na yanuyanu o Okinawa ena sauca kei Japani. Na itukutuku e rogoci taumada ena tolu na tabacakacaka e Okinawa kei na veiyasana voleka, e sega ni dua na tacida e vakaleqai nona bula, ia e ciwa ratou mavoa. Na cagi kaukaua qo e vakacacana e rauta ni 120 na nodra vale na tacida, kei na 5 na Vale ni Soqoni e Okinawa. E 41 tale na Vale ni Soqoni e vakacacani ni ravuravu ena so tale na vanua e Japani.

Era tomana tiko ga nodra veivuke na ivakatawa ni tabacakacaka, kei na tabana ni Tarataravaki e Qarava na valenivolavola ni tabana me laurai na levu ni ka e vakacacani. E tuvanaki tale ga na nodra vukei vakayago, vaka kina nodra vakayaloqaqataki vakayalo na tacida.

Eda masulaki ira tiko ga na tacida era vakacacani ena cagilaba qo, kei na so tale na leqa tubukoso e ravuti Japani. Nuitaki ni na vakacegui ira tiko na Tamada vakalomalagi, qai vakataudeitaki ira.—2 Cesalonaika 2:17.