Raica sara na lewena

17 SEVITEBA, 2019
JAPANI

Vakacaca na Cagilaba e Japani

Vakacaca na Cagilaba e Japani

Ena ika9 ni Seviteba, 2019 e vakacaca na cagilaba kaukaua o Faxai, volekata na baravi e Tokyo, e Japani. Na tataba ni cagi e rauta ni 180 na kilomita ena dua na aua, e vakavuna me boko nodra livaliva e 580,000 na vale. Ratou mate tale ga e le tolu na lewenivanua.

E ripotetaka na valenivolavola ni tabana e Japani ni sega ni dua na tacida e vakaleqai, ia ratou mavoa e le vitu na tacida. E vakacacani tale ga e 895 nodra vale na tacida, 28 na Vale ni Soqoni, kei na dua na Vale ni Soqoni Lelevu e tiko e Chiba.

E se vakadikeva tiko na valenivolavola ni tabana na vakacaca ni cagilaba qori vei ira na tacida. Meda nanumi ira ena masu ni o Jiova “na Kalou e vu ni vosota kei na vakacegu,” ena tokoni ira na tacida era vakacacani ena leqa tubukoso qori.—Roma 15:5.