Raica sara na lewena

Na Website ni iVakadinadina i Jiova

Digia na Vosa vakaViti

23 OKOSITA, 2018
IDONISIA

Kurea na Yanuyanu o Idonisia na Uneune

Kurea na Yanuyanu o Idonisia na Uneune

Ena icavacava ni vula o Julai ina itekitekivu ni Okosita, e kurea veitaravi na yanuyanu o Lombok e Idonisia na uneune. Era mate kina e 436 na lewenivanua, e rauta na le 350,000 e vakacacani nodra vale. E dua na uneune e 7.0 na kena kaukaua, qai vica vata na drau na milioni na isau ni veivale e vakacacana.

E vakaraitaka na valenivolavola ni tabana e Jarkata ni sega ni dua na tacida e mavoa se mate, ia eso e vakacacani nodra vale. E vakacacani tale ga na vale era dau soqoni kina na 40 na dautukutuku era lewe ni vavakoso ena yanuyanu qo. E rua na mata mai na valenivolavola ni tabana rau gole ina vanua e vakacacani me rau lai raica na ka e gadrevi me baleta na vakacoko, rau lai veivakacegui talega.

Meda nanumi ira tiko mada ga na tacida ena masu ena gauna dredre ra vakila tiko qo, eda kila ni o Jiova ena ‘vakacegui ira ena veika dredre era sotava’.—2 Korinica 1:4.