Raica sara na lewena

Na Website ni iVakadinadina i Jiova

Digia na Vosa vakaViti

15 OKOTOVA, 2018
HAITI

Yavalata na Noca kei Haiti e Dua na Uneune

Yavalata na Noca kei Haiti e Dua na Uneune

Ena Vakarauwai na ika6 ni Okotova 2018, e yavalata na noca kei Haiti e dua na uneune. E 5.9 na kena kaukaua, ra qai mate kina e le 17, e sivia tale ga na le 300 era mavoa.

E sega ni dua na tacida e vakaleqai nona bula, ia e rua na tacida erau mavoa. Era vakaraitaka taumada na ivakatawa ni tabacakacaka ni vakacacani e 44 na vale, kei na 4 na Vale ni Soqoni. Ena siti o Port-de-Paix, e rauta ni 50 na tacida kei ira na wekadra voleka era tokitaki ni rivarivabitaki na nodra itikotiko. Era veivakaicilitaki ga na lewe ni nodra ivavakoso. E dua na lewe ni Komiti ni Tabana e Haiti kei na rua tale na tacida tagane ratou cakacaka vata kei na tabana ni Tarataravaki e Qarava na valenivolavola ni tabana me sikovi na veivanua era vakacacani, me ratou veivakayaloqaqataki tale ga. E tauyavutaki sara e dua na Komiti ni Vakacoko me vakarautaka na ka ni veivuke e vinakati.

Eda nanumi ira ena masu na tacida e Haiti. Eda vakavinavinaka ni yalataka tu na Tamada vakalomalagi ni na vakacegui ira nona dauveiqaravi era yalodina ena dei ni nona loloma.—Same 119:76.